വിദ്യാര്ഥിനിക്ക് നേരെ ബീച്ചില് വച്ച് ലൈംഗികാതിക്രമം നടത്തിയ യുവാവ് പിടിയില്
31 JULY 2026 11:49 PM IST
മലയാളി വാര്ത്ത
പ്രായപൂര്ത്തിയാകാത്ത പെണ്കുട്ടിയോട് ബീച്ചില് വച്ച് ലൈംഗിക അതിക്രമം നടത്തിയ യുവാവ് പിടിയില്. ചാലിയം കടുക്ക ബസാര് സ്വദേശി അരയന് വളപ്പില് വീട്ടില് ഫിറാദ് (25) ആണ് പിടിയിലായത്. മണ്ണൂര് വളവ് സ്വദേശിനിയായ പ്രായപൂര്ത്തിയാകാത്ത വിദ്യാര്ഥിനിയെ നിരന്തരമായി പിന്തുടര്ന്നിരുന്ന പ്രതി ചാലിയം ബീച്ചില് വച്ച് പെണ്കുട്ടിക്ക് നേരെ ലൈംഗിക അതിക്രമം നടത്തുകയുമായിരുന്നു.
തുടര്ന്ന് പെണ്കുട്ടിയുടെ പരാതിയില് ബേപ്പൂര് പൊലീസ് കേസ് റജിസ്റ്റര് ചെയ്ത് നടത്തിയ അന്വേഷണത്തിലാണ് പ്രതി പിടിയിലാകുന്നത്. പ്രതിക്കെതിരെ നല്ലളം പൊലീസ് സ്റ്റേഷനില് പോക്സോ കേസ് നിലവിലുണ്ട്. ഈ കേസില് ജാമ്യത്തിലിറങ്ങിയ പ്രതി വീണ്ടും പ്രായപൂര്ത്തിയാകാത്ത പെണ്കുട്ടിക്ക് നേരെ ലൈംഗികാതിക്രമം നടത്തുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
