കോടി കണക്കിന് ആസ്വാദകരുടെ ഹൃദയത്തിൽ നാദവിസ്മയം തീർത്ത ഗായിക കെ ജമുനാ റാണി അന്തരിച്ചു.

ബംഗളുരുവിലെ വസതിയിൽ വച്ചായിരുന്നു അന്ത്യം സംഭവിച്ചത്. 88 വയസ്സായിരുന്നു. മലയാളത്തിലടക്കം ആറായിരത്തിലധികം ഗാനങ്ങൾ പാടിയിട്ടുണ്ട്. കുടുംബാംഗങ്ങളാണ് ഗായികയുടെ മരണവിവരം പങ്കുവച്ചത്. ഗായികയുടെ മരണത്തിൽ ചലച്ചിത്രമേഖലയിലെ നിരവധി പ്രമുഖർ അനുശോചനം അറിയിക്കുകയായിരുന്നു.

തെലുങ്ക്, കന്നട, തമിഴ്, മലയാളം, സിംഹള ഉൾപ്പടെ അഞ്ച് ഭാഷകളിലായി ആയിരക്കണക്കിന് പാട്ടുകൾ ജമുനാ റാണി പാടിയിട്ടുണ്ട്. മലയാളത്തിൽ എംസ് വിശ്വനാഥ്, ബ്രദർ ലക്ഷ്മൺ, എംബി ശ്രീനിവാസ്, എംഎസ് ബാബു രാജ് അടക്കമുള്ളവരുടെ സംഗീതത്തിൽ പാടി. ആന വളർത്തിയ വാനമ്പാടി, ഭാഗ്യ ജാതകം, പുതിയ ആകാശം, പുതിയ ഭൂമി, സ്‌നേഹഗീതം തുടങ്ങിയ നിരവധി മലയാളം ചിത്രങ്ങളിൽ പാടിയിട്ടുണ്ട്.