കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി ജീവന്‍രക്ഷാ മരുന്നുകളും ഓക്‌സിജന്‍ സിലിണ്ടറുകള്‍ അടക്കമുള്ള ക്യാപ്‌സൂളുകളും എത്തിയ്ക്കാന്‍ ഇനി മുതല്‍ കെഎസ്ആആര്‍ടിസി ഡ്രൈവര്‍മാരും
കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി ജീവന്‍രക്ഷാ മരുന്നുകളും ഓക്‌സിജന്‍ സിലിണ്ടറുകള്‍ അടക്കമുള്ള ക്യാപ്‌സൂളുകളും എത്തിയ്ക്കാന്‍ ഇനി മുതല്‍ കെഎസ്ആആര്‍ടിസി ഡ്രൈവര്‍മാരും.
പാലക്കാട് ജില്ലയില്‍ തിരഞ്ഞെടുക്കപ്പെട്ട കെ.എസ്.ആര്‍.ടി.സി ഡ്രൈവര്‍മാര്‍ക്കുള്ള പരിശീലനം പൂര്‍ത്തിയായതായി ജില്ലാ ട്രാന്‍സ്‌പോര്‍ട്ട് ഓഫീസര്‍ ടി.എ ഉബൈദ് അറിയിച്ചു.
പാലക്കാട് നടന്ന ആദ്യ ബാച്ച് പരിശീലന പരിപാടിയില്‍ ജില്ലയില്‍ നിന്നും 37 ഡ്രൈവര്‍മാര്‍ പങ്കെടുത്തു. എറണാകുളത്തെ ഐ ഫാസ്റ്റ് ഫയര്‍ ആന്റ് സേഫ്റ്റി ഡയറക്ടര്‍ ശരത് ചന്ദ്രന്‍, ഹിന്ദുസ്ഥാന്‍ ന്യൂസ് പ്രിന്റ് ഫയര്‍ ആന്റ് സേഫ്റ്റി ഓഫീസര്‍ ഉലഹന്നാന്‍, തൃശ്ശൂര്‍ ഡെപ്യൂട്ടി ട്രാന്‍സ് പോര്‍ട്ട് കമ്മീഷണര്‍ ശശികുമാര്‍, പാലക്കാട് ആര്‍.ടി.ഒ ശിവകുമാര്‍ എന്നിവരാണ് പരിശീലനത്തിന് നേതൃത്വം നല്‍കിയത്.
ഓക്‌സിജന്‍ വിതരണം ചെയ്യുന്ന ഐനോക്‌സ് എയര്‍ പ്രോഡക്ട് കമ്ബനിയും ഡ്രൈവര്‍മാര്‍ക്ക് പരിശീലനം നല്‍കി. പരിശീലനം പൂര്‍ത്തിയാക്കിയവര്‍ക്ക് ആര്‍.ടി.ഒ ലൈസന്‍സും ഐനോക്‌സ് സേഫ്റ്റി സര്‍ട്ടിഫിക്കറ്റും വിതരണം ചെയ്തു.
https://www.facebook.com/Malayalivartha
