ഇരട്ട ഗര്ഭസ്ഥ ശിശുക്കളുടെ മരണം; റിപ്പോര്ട്ട് സമര്പ്പിക്കാത്തതിന് എതിരെ ദേശീയ വനിത കമീഷന്, സംസ്ഥാന ആരോഗ്യ പ്രിന്സിപ്പല് സെക്രട്ടറിക്ക് കത്തയച്ചു
പൂര്ണ ഗര്ഭിണിയായ യുവതിക്ക് മഞ്ചേരി ഗവ. മെഡിക്കല് കോളജില് ചികിത്സ നിഷേധിച്ചതിനെ തുടര്ന്ന് ഇരട്ട ഗര്ഭസ്ഥ ശിശുക്കള് മരിച്ച സംഭവത്തില് റിപ്പോര്ട്ട് സമര്പ്പിക്കാത്ത സര്ക്കാര് നടപടിക്കെതിരെ ദേശീയ വനിത കമീഷന്റെ ഇടപെടല്.
കമീഷന് വീണ്ടും സംസ്ഥാന ആരോഗ്യ പ്രിന്സിപ്പല് സെക്രട്ടറിക്ക് കത്തയച്ചു. എന്തുകൊണ്ടാണ് ആവശ്യപ്പെട്ട റിപ്പോര്ട്ട് സമര്പ്പിക്കാതിരുന്നതെന്ന് ചോദിച്ച കമീഷന്, ഒരു മാസത്തിനകം സംഭവത്തില് സ്വീകരിച്ച നടപടി സംബന്ധിച്ച് റിപ്പോര്ട്ട് നല്കണമെന്നും ആവശ്യപ്പെട്ടു. പുത്തനഴി സ്വദേശി ഡോ. സൈനുല് ആബിദീന് ഹുദവി നല്കിയ പരാതിയിലാണ് നടപടി.
സംഭവത്തില് അടിയന്തര നടപടി സ്വീകരിക്കണമെന്നാവശ്യപ്പെട്ട് ദേശീയ വനിത കമീഷന് അധ്യക്ഷ രേഖ ശര്മ കഴിഞ്ഞ വര്ഷം ഒക്ടോബര് ഒമ്പതിന് സംസ്ഥാന ആരോഗ്യ പ്രിന്സിപ്പല് സെക്രട്ടറിക്ക് കത്തയച്ചിരുന്നു. ചികിത്സ നിഷേധം വളരെ ഗൗരവത്തോടെയാണ് കാണുന്നതെന്നും വിഷയത്തില് ഇതുവരെ എന്തെങ്കിലും നടപടി സ്വീകരിച്ചിട്ടുണ്ടെങ്കില് അറിയിക്കണമെന്നും ആയിരുന്നു ആവശ്യം.
എന്നാല്, ഇതിന് ഒരു മറുപടിയും നല്കാന് ആരോഗ്യവകുപ്പ് തയാറായില്ല. മാധ്യമപ്രവര്ത്തകനായ എന്.സി. മുഹമ്മദ് ഷെരീഫ്-സഹല തസ്നീം ദമ്പതികളുടെ ഇരട്ട ഗര്ഭസ്ഥ ശിശുക്കളാണ് 2020 സെപ്റ്റംബര് 27ന് മരിച്ചത്.
സംഭവം നടന്നിട്ട് എട്ട് മാസത്തോളം ആയെങ്കിലും കുറ്റക്കാര്ക്കെതിരെ നടപടി ഉണ്ടായിട്ടില്ല. ഈ അവസരത്തിലാണ് നടപടി എടുക്കണമെന്ന് ആവശ്യപ്പെട്ട് ദേശീയ വനിത കമീഷന് വീണ്ടും ആരോഗ്യ പ്രിന്സിപ്പല് സെക്രട്ടറിക്ക് കത്തയച്ചത്. പ്രസവ വേദന ഉണ്ടെന്ന് അറിയിച്ചിട്ടും ചികിത്സ നല്കാതെ മഞ്ചേരി മെഡിക്കല് കോളജില് നിന്ന് നിര്ബന്ധപൂര്വം മടക്കി അയച്ചെന്നാണ് ബന്ധുക്കളുടെ പരാതി.
കുറ്റക്കാര്ക്കെതിരെ നരഹത്യക്ക് കേസെടുക്കണമെന്ന് ആവശ്യപ്പെട്ട് എന്.സി. മുഹമ്മദ് ഷെരീഫ് ജില്ല പൊലിസ് മേധാവിക്ക് നല്കിയ പരാതിയില് കേസ് രജിസ്റ്റര് ചെയ്യുകയും സംസ്ഥാന സര്ക്കാറിെന്റ നിര്ദേശ പ്രകാരം കോഴിക്കോട് മെഡിക്കല് കോളജ് ഗൈനക്കോളജി വിഭാഗം മേധാവിയും മലപ്പുറം ജില്ല മെഡിക്കല് ഓഫിസറും ഉള്പ്പെടുന്ന അന്വേഷണ സംഘം യുവതിയുടെയും ഭര്ത്താവിെന്റയും മൊഴി എടുക്കുകയും ചെയ്തിരുന്നെങ്കിലും അന്വേഷണത്തില് പുരോഗതി ഉണ്ടായില്ല.
https://www.facebook.com/Malayalivartha
