കെ.എസ്. ശബരീനാഥന് നാളെ എംഎല്എ ആയി സത്യപ്രതിജ്ഞ ചെയ്യും
അരുവിക്കര ഉപതെരഞ്ഞെടുപ്പില് വിജയിച്ച യുഡിഎഫ് സ്ഥാനാര്ഥി കെ.എസ്. ശബരീനാഥന് നാളെ എംഎല്എ ആയി സത്യപ്രതിജ്ഞ ചെയ്യും. രാവിലെ 9.30നാണു സത്യപ്രതിജ്ഞ.
10128 വോട്ടിനാണ് ശബരീനാഥന് എല്ഡിഎഫിലെ എം. വിജയകുമാറിനെ പരാജയപ്പെടുത്തിയത്. ആകെ 56448 വോട്ടുകള് ശബരീനാഥന് നേടി. രണ്ടാം സ്ഥാനത്തുള്ള എല്ഡിഎഫിന്റെ എം. വിജയകുമാറിന് 46320 വോട്ട് ലഭിച്ചു. ബിജെപി 34145 വോട്ടുമായി മൂന്നാം സ്ഥാനത്തെത്തി.
അരുവിക്കരയിലുണ്ടായ വന് വിജയം തന്റെ അച്ഛന് ജി. കാര്ത്തികേയന്റെ വിജയമാണെന്നു കെ.എസ്. ശബരീനാഥന് മാധ്യമങ്ങളോടു പറഞ്ഞു. അച്ഛന് ചെയ്ത കാര്യങ്ങള് ജനങ്ങള് സ്വീകരിച്ചതിനു തെളിവാണ് ഈ വന് ഭൂരിപക്ഷം. അച്ഛന്റെ ആത്മബന്ധം മുന്നോട്ടുകൊണ്ടുപോകണമെന്ന ജനങ്ങളുടെ ആഗ്രഹമാണിത്. യുഡിഎഫ് സര്ക്കാര് മുന്നോട്ടുപോകണമെന്ന ആഗ്രഹം കേരള ജനതയ്ക്കുണ്ട്.
താഴേത്തട്ടുമുതലുള്ള പ്രവര്ത്തനത്തിന്റെ ഫലമാണ് ഈ വിജയം. നല്ലതേ സംഭവിക്കൂ എന്ന് ആദ്യംമുതല് അറിയാമായിരുന്നു. പാര്ട്ടി അംഗങ്ങളോടും കടപ്പാടുണ്ട്. കോരിച്ചൊരിയുന്ന മഴയത്തുപോലും ജനമെത്തി വോട്ട്ചെയ്തു. റോഡ് വികസനമടക്കമുള്ള പദ്ധതികള് മുന്നോട്ടുകൊണ്ടുപോകും. പുതിയ ചില പദ്ധതികളും പ്ലാന് ചെയ്യുന്നുണ്ടെന്നും ശബരീനാഥന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
