പിറന്നാള്‍ ദിനത്തില്‍ ഏവരുടെയും മനം കവര്‍ന്ന് താരം; കൊവിഡ് പ്രതിരോധത്തിന് ഒന്നരക്കോടിയുടെ സഹായവുമായി മോഹന്‍ലാല്‍
തന്റെ അറുപത്തിയൊന്നാം ജന്‍മദിനത്തില്‍ നാടിനു കെെത്താങ്ങായി മോഹന്‍ലാല്‍. കൊവിഡ് പ്രതിരോധത്തിനായി ഒന്നരക്കോടിയുടെ മെഡിക്കല്‍ ഉപകരണങ്ങളാണ് അദ്ദേഹം ആശുപത്രിയില്‍ എത്തിച്ചിരിക്കുന്നത്. തന്റെ മാതാപിതാക്കളുടെ പേരില്‍ തുടങ്ങിയ വിശ്വശാന്തി ഫൗണ്ടേഷന്റെ ആഭിമുഖ്യത്തിലാണ് ഉപകരണങ്ങള്‍ സംഭാവന ചെയ്തത്.
ഓക്സിജന് സപ്പോര്‍ട്ട് ഉള്ള ഇരുന്നൂറില്‍പ്പരം കിടക്കകള്‍, പത്ത് ഐ.സി.യു. കിടക്കകള്‍, പോര്‍ട്ടബിള്‍ എക്സ്-റേ മെഷീനുകള്‍ തുടങ്ങിയവ ഫൗണ്ടേഷന്‍ സംഭാവന ചെയ്‌തു. കളമശ്ശേരി മെഡിക്കല്‍ കോളേജിലെ വാര്‍ഡുകളിലേക്കും ട്രിയേജ് വാര്‍ഡുകളിലേക്കുമുള്ള ഓക്സിജന് പൈപ്പ്‌ ലൈന്‍ സ്ഥാപിക്കുന്നതിനും സഹായം നല്‍കിയിട്ടുണ്ട്.
കേരള സര്‍ക്കാരിന്‍റെ കാരുണ്യ ആരോഗ്യ സുരക്ഷാ പദ്ധതിയില്‍ ഉള്‍പ്പെട്ട സര്‍ക്കാര്‍, സഹകരണ, സ്വകാര്യ മേഖലയിലെ ആശുപത്രികളില്‍ ഒരു പോലെ ഈ സഹായം ലഭ്യമാകും. സമാന സേവനം രാജ്യത്തെ മറ്റ് ചില നഗരങ്ങളിലേക്കും വ്യാപിപ്പിക്കാനും പദ്ധതിയുണ്ടെന്നും മോഹന്‍ലാല്‍ സോഷ്യല്‍ മീഡിയയിലൂടെ അറിയിച്ചു.
https://www.facebook.com/Malayalivartha
