മന്ത്രി ശിവന്കുട്ടിയുടെ യോഗ്യത ആറാം ക്ലാസെന്ന പച്ചക്കള്ളവുമായി മീണാദാസ്; തേച്ചൊട്ടിച്ച് എന്.എസ്. മാധവന്
പുതിയ വിദ്യാഭ്യാസ മന്ത്രി വി ശിവന്കുട്ടിയുടെ വിദ്യാഭ്യാസ യോഗ്യതയെ കുറിച്ച് പച്ചക്കള്ളം ട്വിറ്ററില് പ്രചരിപ്പിച്ച സംഘപരിവാർ പ്രചാരകയായ മാധ്യമപ്രവര്ത്തകയെ തകര്പ്പന് മറുപടിയിലൂടെ തേച്ചൊട്ടിച്ച് സാഹിത്യകാരന് എന്.എസ്. മാധവന്. 'ഗള്ഫ് കൊനസേര്' എന്ന ലൈഫ് സ്റ്റൈല് മാഗസിന്റെ എഡിറ്റര് മീണാദാസ് നാരയണ് ആണ് ശിവന്കുട്ടിയെ കുറിച്ച് കള്ളം പ്രചരിപ്പിച്ചത്.
''ആറാം ക്ലാസ് പാസായയാളാണ് കേരള വിദ്യാഭ്യാസ മന്ത്രി ശിവന്കുട്ടി. കൊള്ളാം # പിണറായീ.. എന്തുനല്ല മന്ത്രിസഭ !!!.'' എന്നായിരുന്നു മീണയുടെ ആദ്യ ട്വീറ്റ്. തുടര്ന്ന് ''ആറാം ക്ലാസ് തോറ്റ കള്ളനാണ് കേരളത്തിന്റെ പുതിയ വിദ്യാഭ്യാസ മന്ത്രി... വെല്ഡണ് നുണയന് പിണറായീ!'' എന്നും അവര് ട്വീറ്റ് ചെയ്തു.
ഇതിന് മറുപടിയുമായാണ് എന്.എസ് മാധവന് രംഗത്തെത്തിയത്. 'അതെ, അദ്ദേഹം ആറാം ക്ലാസ് പാസ്സായയാളാണ്. തുടര്ന്ന് അദ്ദേഹം ഏഴാം ക്ലാസും പാസ്സായി. പിന്നെ എട്ടാം ക്ലാസ്.... അങ്ങനെ എല്എല്ബി വരെ അദ്ദേഹം പാസ്സായി. നിങ്ങളുടെ ഡിപിയിലുള്ള ആളാണ് (മോദി) നുണയന്''. എന്നായിരുന്നു എന്.എസ് മാധവന്റെ മറുപടി.
മോദിയോട് സംസാരിക്കുന്ന ചിത്രമാണ് മീണാദാസിന്റെ പ്രൊഫൈല് ഫോട്ടോ. എന്.എസ്. മാധവന്റെ ഈ ഉരുളക്കുപ്പേരി പോലുള്ള മറുപടി ധാരാളം പേര് ഏറ്റെടുത്തു. നിരവധി ലൈക്കും ഷെയറുമാണ് ഈ ട്വീറ്റിന് ലഭിച്ചത്. എന്നാല്, സത്യം പുറത്തുവന്നിട്ടും തന്റെ നുണ ട്വീറ്റ് പിന്വലിക്കാന് (ഈ വാര്ത്ത എഴുതുന്നത് വരെ) മീണദാസ് തയ്യാറായിട്ടില്ല.
അതേസമയം, 'സാക്ഷരതയോട് മലയാളികള് പുലര്ത്തുന്ന അയിത്തത്തെ കുറിച്ച്' മീണയുടെ ട്വീറ്റിന് കീഴില് ഉത്തരേന്ത്യന് സംഘികള് കൂട്ട നിലവിളിയുമായി രംഗത്തുണ്ട്.
ഇ. ശ്രീധരനെ തോല്പിച്ച്, 'ആറാം ക്ലാസുകാരനായ' ശിവന്കുട്ടിയെ വിദ്യാഭ്യാസ മന്ത്രിയാക്കിയതിന്റെ നിരര്ഥകതയെക്കുറിച്ചും കമന്റുകളുണ്ട്. എന്നാല്, മലയാളികളില് ചിലര് മന്ത്രി ശിവന്കുട്ടിയുടെ വിദ്യാഭ്യാസ യോഗ്യത ഉള്പ്പെടെ തെളിവുസഹിതം മറുപടി രേഖപ്പെടുത്തിയിട്ടുണ്ടെങ്കിലും അതൊന്നും മീണയും സംഘ്പരിവാര് അനുകൂലികളും ഗൗനിച്ചിട്ടില്ല.
https://www.facebook.com/Malayalivartha
