പ്രായ പൂര്ത്തിയാകാത്ത പെണ്കുട്ടിയെ പീഡിപ്പിച്ച 51 കാരന് പിടിയില്
പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച 51 കാരന് അറസ്റ്റില്. ആലപ്പുഴയിലാണ് സംഭവം. മുതുകുളം കല്ലുംമൂട് സ്വദേശി സുരേഷാണ് അറസ്റ്റിലായത്. എഴ് വയസു മാത്രമുള്ള പെണ്കുട്ടിയെ പീഡിപ്പിച്ചതിനാണ് ഇയാളെ അറസ്റ്റ് ചെയ്തത്.
ഇയാള് നിരന്തരമായി പെണ്കുട്ടിയെ പീഡിപ്പിച്ച് വരികയായിരുന്നു. അയല്വാസിയായ ഒരു സ്ത്രീ ഇയാള് കുട്ടിയെ ഉപദ്രവിക്കുന്നത് കണ്ടതോടെയാണ് സംഭവം പുറത്തറിയുന്നത്. പിന്നീട് വീട്ടുകാര് ഇയാള്ക്കെതിരെ പരാതി നല്കി. എന്നാല് ഇയാള് ഒളിവില് പോകുകയായിരുന്നു.
പീഡനത്തിന്റെ സിസിടിവി ദൃശ്യങ്ങള് ഉള്പ്പെടെയുള്ള തെളിവുകള് പോലീസിന് ലഭിച്ചിരുന്നു. പ്രതിയെ അറസ്റ്റ് ചെയ്യാന് വൈകുന്നുവെന്നാരോപിച്ച് നാട്ടുകാരും പെണ്കുട്ടിയുടെ ബന്ധുക്കളും പോലീസിനെതിരെ രംഗത്തെത്തിയിരുന്നു. പോക്സോ വകുപ്പ് പ്രകാരമാണ് പ്രതിയെ അറസ്റ്റ് ചെയ്തിരിക്കുന്നത്.
https://www.facebook.com/Malayalivartha
