കൊറോണ ബാധിതയായ 'അമ്മ പ്രസവത്തെ തുടർന്ന് മരിച്ചു..ജനിച്ച ഉടൻ അമ്മ നഷ്ടപെട്ട കുഞ്ഞിന് അമ്മമാരായി എത്തിയത് നിരവധി പേർ .. കുഞ്ഞിന് അലർജി പ്രശ്​നമുള്ളതിനാൽ മുലപ്പാൽ അല്ലാതെ മറ്റൊന്നും നൽകാൻ സാധിക്കില്ലെന്ന്​ ഡോക്​ടർമാർ അറിയിച്ചതിനെ തുടർന്ന് മുലപ്പാൽ ആവശ്യമാണെന്ന വാർത്ത പരന്നതോടെയാണ് നിരവധി അമ്മമാർ ​ മുലപ്പാൽ നൽകാനായി തയ്യാറായി വന്നത് .

32കാരിയായ മിനാൽ വെർനേകർ എന്ന നാഗ്​പുരിലെ എച്ച്​.ആർ കൺസൽട്ടൻറ്​ ആണ് പ്രസവിച്ച് നിമിഷങ്ങൾക്കുള്ളിൽ മരണപ്പെട്ടത് . കൊറോണ സ്​ഥിരീകരിച്ചതോടെ മിനാലിനെ ആശുപത്രിയിൽ പ്രവേശിപ്പിക്കുകയായിരുന്നു. പ്രത്യേക സിസേറിയനിലൂടെയാണ്​ കുഞ്ഞിനെ പുറത്തെടുത്തത്​. കുഞ്ഞിന്​ ജന്മം നൽകി സെക്കൻറുകൾക്കുള്ളിൽ മിനാലിന്​ ഹൃദയാഘാതമുണ്ടാകുകയും മരിച്ചു .

മിനാൽ കുഞ്ഞിനായി കണ്ടുവെച്ചിരുന്ന ഇവാൻ എന്ന പേരുതന്നെയാണ് കുഞ്ഞിന്​ ഇട്ടത്​. കുഞ്ഞ്​ ഇവാ​ന്​ മറ്റ് ആരോഗ്യ പ്രശ്നങ്ങൾ ഒന്നും തന്നെ ഇല്ലെങ്കിലും അലർജി പ്രശ്​നമുള്ളതിനാൽ മുലപ്പാൽ അല്ലാതെ മറ്റൊന്നും നൽകാൻ സാധിക്കില്ലെന്ന്​ ഡോക്​ടർമാർ അറിയിച്ചു . തുടർന്ന് കുഞ്ഞു ഇവാന്​ മുലപ്പാൽ ആവശ്യമാണെന്ന വാർത്ത പരന്നതോടെ നിരവധി അമ്മമാർ പാലൂട്ടാൻ തയ്യാറാവുകയായിരുന്നു

ഭാര്യ മരിച്ചത്​ അറിഞ്ഞ​ ശേഷം ഞങ്ങളുമായി ബന്ധപ്പെട്ട അമ്മമാരോട്​ ഞാനും കുടുംബവും നന്ദിയുള്ളവരായിരിക്കും... ഞങ്ങളുടെ കുഞ്ഞിന്​ മറ്റു പാലുകൾ അലർജിയായതിനാൽ നിരവധി സ്​ത്രീകൾ ദിവസവും കുഞ്ഞിനായി മുലപ്പാൽ നൽകുന്നു. മനുഷ്യത്വപരമായ ഈ പ്രവൃത്തിമൂലം ഞങ്ങളു​ടെ കുഞ്ഞ്​ അതിജീവിക്കുകയും ആശുപത്രി വിടുകയും ചെയ്​തു’ -ഇവാ​ന്റെ പിതാവ്​ ചേതൻ പറഞ്ഞു.