ഇന്നലെ നടന്നത് റെക്കോര്ഡ് മദ്യ വില്പ്പന; ബിവറേജസ് കോപ്പറേഷന്റെ ഔട്ട്ലെറ്റുകള് വഴിമാത്രം വിറ്റത് 51 കോടി രൂപയുടെ മദ്യം; ഏറ്റവുമധികം മദ്യം വിറ്റത് പാലക്കാട് ജില്ലയിലെ തേങ്കുറിശ്ശില്; രണ്ടാം സ്ഥാനത്ത് തിരുവനന്തപുരം പവര് ഹൗസ് റോഡിലെ ഔട്ട്ലെറ്റ്
ക്രിസ്തുമസ് -ന്യൂ ഇയര് കാലത്താണ് മദ്യശാലകളില് റെക്കോര്ഡ് വില്പ്പന നടക്കാറുള്ളത്. എന്നാല് ഇത്തവണ ആ റെക്കോര്ഡുകള് തിരുത്തിരിക്കുകയാണ് ലോക്ഡൗണിന് ശേഷം മദ്യശാലകള് തുറന്നപ്പോള്. റെക്കോര്ഡ് മദ്യവില്പ്പനയാണ് ഇന്നലെ സംസ്ഥാനത്ത് നടന്നത്. 51 കോടി രൂപയുടെ മദ്യമാണ് ബിവറേജസ് കോര്പറേഷന് ഇന്നലെ വിറ്റത്. 225 ഔട്ട്ലെറ്റുകളാണ് ഇന്നലെ തുറന്നത്. കണ്സ്യൂമര് ഫെഡ് ഔട്ട്ലെറ്റുകളില് എട്ട് കോടിയുടെ മദൃവില്പന ഇന്നലെ നടന്നു.
ഏറ്റവുമധികം മദ്യം വിറ്റത് പാലക്കാട് ജില്ലയിലെ തേങ്കുറിശ്ശിയിലാണ്. 68 ലക്ഷം രൂപയുടെ മദ്യമാണ് തേങ്കുറിശ്ശി ഇന്നലെ വിറ്റത്. തിരുവനന്തപുരം പവര് ഹൗസ് റോഡ് ഔട്ട്ലെറ്റില് 65 ലക്ഷം രൂപയുടെയും ഇരിങ്ങാലക്കുടയില് 64 ലക്ഷം രൂപയുടെയും മദ്യവും വിറ്റു. ടെസ്റ്റ് പോസിറ്റിവിറ്റി നിരക്ക് 20 ശതമാനത്തില് താഴെയുള്ള പ്രദേശങ്ങളില് മാത്രമായിരുന്നു മദ്യവില്പ്പന പുനരാരംഭിച്ചത്. അതേസമയം ബെവ്കോയുടെയും കണ്സ്യൂമര് ഫെഡിന്റെയും ഔട്ട് ലെറ്റുകളിലെ വില്പ്പനമാത്രമാണിത്. ബാറുകളിലെയും ബിയര് പാര്ലറുകളിലെയും കണക്കുകള് പുറത്ത് വരാനുണ്ട്.
കേരളത്തില് പന്ത്രണ്ട് തദ്ദേശ സ്ഥാപനങ്ങളില് മാത്രമാണ് ട്രിപ്പിള് ലോക്ക്ഡൗണ് ഉള്ളത്. കൊവിഡ് രണ്ടാം വ്യാപനത്തിന്റെ പശ്ചാത്തലത്തില് ഏപ്രില് 26 നാണ് സംസ്ഥാനത്തെ മദ്യവില്പന ശാലകള് അടച്ചത്. ലോക്ക്ഡൗണ് ഇളവിന്റെ ഭാഗമായിട്ടാണ് ഇന്നലെ മുതല് മദ്യ വില്പന പുനരാരംഭിച്ചത്. തിരക്ക് ഒഴിവാക്കാന് മൊബൈല് ആപ്പ് വഴി സ്ലോട്ട് ബുക്ക് ചെയ്തുള്ള വില്പ്പനയ്ക്കാണ് സര്ക്കാര് നിര്ദ്ദേശം നല്കിയിരിക്കുന്നത്. എന്നാല്, ആപ്പിന്റെ പ്രായോഗിക പ്രശ്നങ്ങള് കണക്കിലെടുത്താണ് സാമൂഹ്യ അകലം ഉറപ്പുവരുത്തി വില്പന നടത്താന് തീരുമാനിച്ചത്.
https://www.facebook.com/Malayalivartha
