അര്ജുന് ആയങ്കിക്കെതിരെ നടപടിയെടുക്കണമെങ്കില് നടപടിയെടുത്തോട്ടെ; ആയങ്കിയെ ന്യായീകരിക്കേണ്ട ചുമതല തനിക്കില്ലെന്ന് പ്രതിപക്ഷ നേതാവ്
മുന് ഡിവൈഎഫ്ഐ പ്രവര്ത്തകന് അര്ജുന് ആയങ്കിക്കെതിരെ പൊലീസ് നടപടിയെടുത്തോട്ടെയെന്ന് പ്രതിപക്ഷ നേതാവ് പിണറായി വിജയന്. ആയങ്കിയെ ന്യായീകരിക്കേണ്ട ചുമതല തനിക്കില്ലെന്ന് പിണറായി വാര്ത്താസമ്മേളനത്തില് പറഞ്ഞു. സ്വര്ണ്ണക്കടത്ത് ക്വട്ടേഷന് കേസുകളില് പ്രതിയായ അര്ജുന് ദിവസങ്ങളായി പൊലീസിനെ കബിളിപ്പിച്ച് ഒളിവില് കഴിയുകയാണ്. തുടര്ച്ചയായി സമൂഹമാദ്ധ്യമങ്ങളിലൂടെ സര്ക്കാരിനെരെ വെല്ലുവിളി ഉയര്ത്തുന്ന അര്ജുനെ പൂട്ടാന് പൊലീസ് വല വിരിച്ചിരിക്കുകയാണ്.
'അര്ജുന് ആയങ്കിക്കെതിരെ നടപടിയെടുക്കണമെങ്കില് നടപടിയെടുത്തോട്ടെ, ഞാന് എന്തുപറയാനാണ്. അയാള്ക്കെതിരെ തോക്ക് ഉപയോഗിക്കരുതെന്ന് ഞാന് പറയണോ? അര്ജുന് ആയങ്കിയെ ന്യായീകരിക്കേണ്ട ആവശ്യമൊന്നും എനിക്കില്ല. അയാള്ക്കെതിരെ നടപടിയെടുക്കണമെങ്കില് എടുത്തോട്ടെ. യാതൊരു തടസവും ഞങ്ങള്ക്കില്ല.'പിണറായി വിജയന് പറഞ്ഞു.
സമൂഹ മാദ്ധ്യമങ്ങളില് സിപിഎമ്മിന്റെ സജീവ പ്രചാരകനായിരുന്ന അര്ജുന് ആയങ്കിയെ കുറിച്ച് മാദ്ധ്യമങ്ങള് ഉന്നയിച്ച ചോദ്യത്തിനോടാണ് പ്രതിപക്ഷ നേതാവ് പ്രതികരിച്ചത്. കണ്ണൂര് ജില്ലയിലെ അഴീക്കല് സ്വദേശിയായ അര്ജുന് ആയങ്കി നിരവധി ക്രിമിനല് കേസുകളില് കേരള പൊലീസിന്റെയും കസ്റ്റംസിന്റെയും നിരീക്ഷണത്തിലായിരുന്നു. മുമ്പ് ഡിവൈഎഫ്ഐയുടെ സജീവ പ്രവര്ത്തകനും പ്രാദേശിക ഭാരവാഹിയുമായിരുന്നു അര്ജുന്. പാര്ട്ടിയുടെ സൈബര് പോരാളിയായാണ് ഇയാളെ അറിയപ്പെട്ടിരുന്നത്. ഇയാള് സ്വര്ണക്കടത്തില് അറസ്റ്റിലായതോടെ സിപിഎമ്മും ഡിവൈഎഫ്ഐയും അര്ജുന് ആയങ്കിയുമായി യാതൊരു ബന്ധവുമില്ലെന്ന് ഔദ്യോഗികമായി വ്യക്തമാക്കിയിരുന്നു. ക്രിമിനല് പശ്ചാത്തലമുള്ളവരെയും ക്വട്ടേഷന് സംഘങ്ങളെയും പാര്ട്ടി വച്ചുപൊറുപ്പിക്കില്ലെന്നും നേതൃത്വം അറിയിച്ചിരുന്നു.
https://www.facebook.com/Malayalivartha
