ആര്യക്ക് ഇത്തരം അധിക്ഷേപങ്ങള്‍ക്ക് മുന്നില്‍ പതറാതെ മുന്നോട്ടു പോകാനുള്ള കരുത്തുണ്ട്, അതവര്‍ വ്യക്തമാക്കുകയും ചെയ്തിട്ടുണ്ട്; പിന്തുണയുമായി കെ.കെ ശൈലജ
തിരുവനന്തപുരം മേയർ മേയര്‍ ആര്യ രാജേന്ദ്രന്റെ പ്രായത്തെ ബി.ജെ.പി കൗണ്‍സിലര്‍മാര്‍ പരിഹസിച്ച സംഭവത്തിന് പിന്നാലെ മേയര്‍ക്ക് പിന്തുണയുമായി കെ.കെ ശൈലജ രംഗത്ത്. കോര്‍പ്പറേഷന്‍ മീറ്റിങ്ങിനിടെയാണ് കൗണ്‍സിലര്‍മാര്‍ മേയറെ പരിഹസിച്ചത്.
ആര്യ രാജേന്ദ്രനെതിരെ ഉണ്ടായ പരാമര്‍ശം അപലപനീയമാണെന്നും വിദ്യാര്‍ത്ഥിരാഷ്ട്രീയത്തിലൂടെ ഇടതുപക്ഷ ആശയങ്ങള്‍ നല്‍കിയ കരുത്തുമായി സാമൂഹ്യപ്രവര്‍ത്തന രംഗത്ത് കടന്നുവന്ന ആര്യക്ക് ഇത്തരം അധിക്ഷേപങ്ങള്‍ക്ക് മുന്നില്‍ പതറാതെ മുന്നോട്ടു പോകാനുള്ള കരുത്തുണ്ടെന്നും കെ. കെ ഷൈലജ ടീച്ചര്‍ പറഞ്ഞു. ഫേസ്ബുക്ക് പോസ്റ്റിലുടെയായിരുന്നു ഷൈലജ ടീച്ചറിന്റെ പ്രതികരണം.
കുറിപ്പിന്റെ പൂര്‍ണരൂപം :
മേയര്‍ ആര്യാരാജേന്ദ്രനെതിരെ BJP കൗണ്‍സിലര്‍ നടത്തിയ പരാമര്‍ശം അപലപനീയമാണ്.എ.കെ.ജി സെന്‍ററിലെ പാവക്കുട്ടിയല്ല വിദ്യാര്‍ത്ഥിരാഷ്ട്രീയത്തിലൂടെ ഇടതുപക്ഷ ആശയങ്ങള്‍ നല്‍കിയ കരുത്തുമായി സാമൂഹ്യപ്രവര്‍ത്തന രംഗത്ത് കടന്നുവന്ന സഖാവ് ആര്യക്ക് ഇത്തരം അധിക്ഷേപങ്ങള്‍ക്ക് മുന്നില്‍ പതറാതെ മുന്നോട്ടു പോകാനുള്ള കരുത്തുണ്ട്.അതവര്‍ വ്യക്തമാക്കുകയും ചെയ്തിട്ടുണ്ട്.തിരുവനന്തപുരം മേയര്‍ ആര്യാരാജേന്ദ്രന് അഭിവാദ്യങ്ങള്‍.
https://www.facebook.com/Malayalivartha
