മീന് പിടിക്കുന്നതിനിടയില് കാണാതായ യുവാക്കളുടെ മൃതദേഹങ്ങള് കണ്ടെത്തി.... കഴിഞ്ഞ ചൊവ്വാഴ്ച വൈകിട്ടാണ് ഇവര് ഒഴുക്കില്പെട്ടത്.... പ്രതികൂല കാലാവസ്ഥ കാരണം തെരച്ചില് ദുഷ്ക്കരമായി
മീന് പിടിക്കുന്നതിനിടയില് കാണാതായ യുവാക്കളുടെ മൃതദേഹങ്ങള് കണ്ടെത്തി. മാട്ടുതാവളം കുമ്മിണിയില് ജോയ്സ് (31), കൂപ്പപറ ഇല്ലിക്കല് പറമ്പില് മനു (31) എന്നിവരുടെ മൃതദേഹമാണ് കണ്ടെത്തിയത്. ഇന്നലെ രാവിലെ ഏഴരയോടെ വലകെട്ടുന്നവരാണ് മനുവിന്റെ മൃതദേഹം കണ്ടത്.
തുടര്ന്ന് ദുരന്തനിവാരണ സേനാംഗങ്ങള് നടത്തിയ പരിശോധനയില് മനുവിന്റെ മൃതദേഹം കണ്ടതിന് 300 മീറ്റര് മാറി ജോയിസിന്റെ മൃതദേഹവും കണ്ടെത്തി.
കഴിഞ്ഞ ചൊവ്വാഴ്ച വൈകിട്ട് നാലരയോടെയാണ് മനുവും ജോയിസും മാണിക്കകത്ത് രതീഷും ചേര്ന്ന് കാക്കത്തോട് കെട്ടുചിറയില് മീന് പിടിക്കാനെത്തിയത്.
കെട്ടുചിറ ഒഴുക്കന് പാറയില്നിന്നും കാല് വഴുതി മനുവും ജോയിസും ഒഴുക്കില്പെട്ടു. വെള്ളത്തിലിറങ്ങാതെ നിന്ന രതീഷാണ് വിവരം നാട്ടുകാരെ അറിയിച്ചത്. ഉടന് തന്നെ നാട്ടുകാരുടെ നേതൃത്വത്തില് തെരച്ചില് ആരംഭിച്ചു.
തുടര്ന്ന് ഉപ്പുതറ പോലീസ്, കാക്കത്തോട് ഫോറസ്റ്റ് എന്നിവരും നാട്ടുകാരോടൊപ്പം പങ്കാളികളായി. പിന്നീട് അഗ്നിരക്ഷാസേനയും എത്തി. പ്രതികൂല കാലാവസ്ഥ കാരണം ഒന്പതോടെ തെരച്ചില് നിര്ത്തിവെച്ചു.
ബുധനാഴ്ച രാവിലെ എട്ടോടെ അഗ്നിരക്ഷാസേന തെരച്ചില് തുടര്ന്നു. ഉച്ചയോടെ ദുരന്തനിവാരണ സേനയും റാപ്പിഡ് റെസ്പോണ്സ് ടീമും തെരച്ചിലിനെത്തി. മഴയും കാറ്റും നീരൊഴുക്കും തെരച്ചലിന് തിരിച്ചടിയായി.
വ്യാഴാഴ്ച വെള്ളം ഇളക്കിയുള്ള തെരച്ചിലാണ് നടത്തിയത്. ഇതേത്തുടര്ന്നാണ് ഇന്നലെ മൃതദേഹങ്ങള് വെള്ളത്തിന് മുകളില് പൊങ്ങിയത്. രാവിലെ തന്നെ ഇന്ക്വസ്റ്റ് തയാറാക്കി മൃതദേഹങ്ങള് ഇടുക്കി മെഡിക്കല് കോളജിലെത്തിച്ചു.
ഉച്ചക്ക് ശേഷം പോസ്റ്റ്മോര്ട്ടം നടത്തി ആറോടെ ഇരുവരുടെയും മൃതദേഹങ്ങള് വീടുകളിലെത്തിച്ചു. ജോയ്സിന്റെ മൃതദേഹം സെന്റ് സെബാസ്റ്റിയന് പള്ളി സെമിത്തേരിയില് സംസ്കരിച്ചു. മനുവിന്റെ മൃതദേഹം വീട്ടുവളപ്പില് സംസ്കരിച്ചു
"
https://www.facebook.com/Malayalivartha
