ഇങ്ങോട്ട് ചൊറിയാന് വന്നാല് പത്ത് വര്ത്തമാനം തിരിച്ചു പറയും; അക്രമം കോണ്ഗ്രസ് ശൈലിയല്ല; ബ്രണ്ണന് കോളേജ് വിവാദത്തില് പ്രതികരണവുമായി കെ മുരളീധരന്
ബ്രണ്ണന് കോളേജ് വിവാദത്തില് പ്രതികരിച്ച് വടകര എംപിയും മുതിര്ന്ന കോണ്ഗ്രസ് നേതാവുമായ കെ മുരളീധരന്. അക്രമം കോണ്ഗ്രസ് ശൈലിയല്ല. എന്നാല് ഇങ്ങോട്ട് ചൊറിയാന് വന്നാല് പത്ത് വര്ത്തമാനം തിരിച്ചു പറയുമെന്നും മുരളീധരന് മുന്നറിയിപ്പ് നല്കി. വിവാദങ്ങളില് നിന്ന് ജനങ്ങളുടെ ശ്രദ്ധ വഴി തിരിക്കാനാണ് മുഖ്യമന്ത്രി പിണറായി വിജയന് ശ്രമിക്കുന്നതെന്നും അദ്ദേഹം കുറ്റപ്പെടുത്തി.
ഊരിപ്പിച്ചിടിച്ച വാളുകള്ക്ക് നടുവിലൂടെ നടന്ന പിണറായി വിജയന് ഉയര്ത്തിപ്പിടിച്ച മഴുവുമായി കാട് വെട്ടിത്തെളിക്കുകയാണെന്ന് കുറ്റപ്പെടുത്തിയ മുരളീധരന് താന് കൈകള് കൂട്ടിയിടിച്ച് നോക്കിയപ്പോള് പ്രത്യേക ശബ്ദമൊന്നും കേട്ടില്ലെന്നും പരിഹസിച്ചു. രമേശ് ചെന്നിത്തലക്ക് ഹിന്ദി ഭാഷ നല്ലപോലെ വശമുള്ളതുകൊണ്ട് ദേശീയ രാഷ്ട്രീയത്തില് ശോഭിക്കുമെന്ന് അദ്ദേഹം അഭിപ്രായപ്പെട്ടു. തനിക്ക് ഹിന്ദി അത്ര വശമില്ലാത്തതിനാല് ദേശീയ രാഷ്ട്രീയത്തില് താല്പര്യമില്ലെന്നും മുരളീധരന് പറഞ്ഞു.
https://www.facebook.com/Malayalivartha
