കുട്ടനാടിനെ കരകയറ്റാന്‍ ഒന്നിച്ച്‌ നില്‍ക്കണം; കുട്ടനാടന്‍ ജനത നേരിടുന്നത് സമാനതകളില്ലാത്ത പ്രതിസന്ധിയെന്ന് പ്രതിപക്ഷ നേതാവ് വിഡി സതീശന്‍
കുട്ടനാടിനെ കരകയറ്റാന്‍ ഒന്നിച്ച്‌ നില്‍ക്കണമെന്ന് പ്രതിപക്ഷ നേതാവ് വിഡി സതീശന്‍ എംഎല്‍എ. കുട്ടനാടന്‍ ജനത നേരിടുന്നത് സമാനതകളില്ലാത്ത പ്രതിസന്ധിയാണെന്ന് അദ്ദേഹം പറഞ്ഞു. കുട്ടനാട് സന്ദര്‍ശനത്തിന് ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. സേവ് കുട്ടനാട് ക്യാമ്ബെയ്‌ന് അദ്ദേഹം പിന്തുണ അറിയിക്കുകയും ചെയ്തു.
'സേവ് കുട്ടനാട് മൂവ്മെന്റിനെ എതിര്‍ക്കേണ്ട കാര്യമില്ല. ദുരിതമുണ്ടാകുമ്ബോള്‍ പുതിയ സംഘടനകള്‍ ഉണ്ടാകും. അത് സ്വാഭാവികമാണ്. അവരെ മാവോയിസ്റ്റോ ഭരണകൂട വിരുദ്ധരോ ആയി കണക്കാക്കരുത്. അങ്ങനെ പറയുന്നത് ഏകാധിപത്യ ഭരണകൂടത്തിന്റെ സൂചനകളാണെന്നും' അദ്ദേഹം വ്യക്തമാക്കി.
വെള്ളപ്പൊക്ക ദുരിതം നീക്കാന്‍ കുട്ടനാട്ടില്‍ ഹ്രസ്വ-ദീര്‍ഘകാല പദ്ധതികള്‍ വേണം. പുഴകളിലേയും കനാലുകളിലേയും എക്കലും ചെളിയും നീക്കണം. ജനങ്ങള്‍ ദുരിതമനുഭവിക്കുമ്ബോള്‍ റോഡ് നവീകരണത്തിനാണോ സര്‍ക്കാര്‍ മുന്‍ഗണന നല്‍കുന്നതെന്നും അദ്ദേഹം ചോദിച്ചു.
https://www.facebook.com/Malayalivartha
