പാര്ട്ടിയെ പരസ്യമായി വെല്ലുവിളിച്ച് ഷുഹൈബ് വധക്കേസിലെ പ്രതി.... ഒറ്റരാത്രി കൊണ്ട് ഡിവൈഎഫ്ഐ ഒറ്റുകാരനാക്കിയെന്ന് ആകാശ് തില്ലങ്കേരി...
സ്വര്ണ്ണക്കവര്ച്ച കേസിലെ വിവാദം കൊടുമ്പിരി കൊണ്ടിരിക്കെ ഡിവൈഎഫ്ഐ നേതൃത്വത്തെ തന്നെ വെല്ലുവിളിച്ചു കൊണ്ട് ഷുഹൈബ് വധക്കേസ് പ്രതിയും സിപിഎം മുന് പ്രവര്ത്തകനുമായ ആകാശ് തില്ലങ്കേരി രംഗത്തെത്തിയിരിക്കുകയാണ്.
സ്വര്ണക്കടത്ത് കേസില് കുടുങ്ങിയ ഷുഹൈബ് വധക്കേസ് പ്രതി കൂടിയാണ് ആകാശ് തില്ലങ്കേരി. ഒറ്റ രാത്രി കൊണ്ട് ഒറ്റുകാരനാക്കുന്ന പ്രവണത അംഗീകരിക്കാനാവില്ലെന്നും നുണപ്രചാരണം ശ്രദ്ധയില്പ്പെടുത്തിയിട്ടും തിരുത്താന് തയ്യാറായില്ലെങ്കില് തനിക്കും പരസ്യമായി പ്രതികരിക്കേണ്ടി വരുമെന്നും ആകാശ് തില്ലങ്കേരി ഫേസ്ബുക്കില് കുറിച്ചിട്ടുണ്ട്. ഇതോടെ പല സുപ്രധാന വിവരങ്ങളും പുറത്ത് വരുമെന്നാണ് കരുതുന്നത്.
തന്റെ ഫേസ്ബുക്ക് പോസ്റ്റിന് വന്ന കമന്റിന് മറുപടിയായാണ് ആകാശ് തില്ലങ്കേരി ഡിവൈഎഫ്ഐക്കെതിരെ തിരിഞ്ഞത്. ഈ പ്രചാരണം തുടര്ന്നാല് പരസ്യമായി പ്രതികരിക്കേണ്ടി വരുമെന്നും വാര്ത്താസമ്മേളനം പ്രതീക്ഷിക്കാമെന്നും ആകാശ് തില്ലങ്കേരി മുന്നറിയിപ്പ് നല്കിയിട്ടുമുണ്ട്.
സ്വര്ണക്കടത്തില് ആരോപണവിധേയരായ അര്ജ്ജുന് ആയങ്കി, ആകാശ് തില്ലങ്കേരി തുടങ്ങിയവരെ കഴിഞ്ഞ ദിവസം ഡിവൈഎഫ്ഐ ജില്ലാ സെക്രട്ടറി പരസ്യമായി തള്ളിപ്പറഞ്ഞിരുന്നു. സിപിഎം ജില്ലാ നേതൃത്വവും ക്വട്ടേഷന് സംഘങ്ങളെന്ന പേരില് ഇവരെ തള്ളിപ്പറഞ്ഞിരുന്നു.
ഇതാണ് ആകാശ് തില്ലങ്കേരിയെ പ്രകോപിപ്പിച്ചത്. ആകാശ് തില്ലങ്കേരി അവസാനമിട്ട ഫെയ്സ്ബുക്ക് പോസ്റ്റിന് അടിയില് സവാദ് എന്നയാളുടെ ഒരു കമന്റിന് മറുപടിയായാണ് പാര്ട്ടി നേതൃത്വത്തെ ഭീഷണിപ്പെടുത്തി മറുപടി ഇട്ടേക്കുന്നത്.
ഒറ്റ രാത്രികൊണ്ട് ഒറ്റുകാരനാക്കുന്ന പ്രവണത പാര്ട്ടിയെ സ്നേഹിക്കുന്ന ഒരു വ്യക്തി എന്ന നിലയില് അംഗീകരിക്കാന് കഴിയില്ലെന്നും പാര്ട്ടിയെ ഒറ്റുകൊടുത്തവന് എന്ന കിരീടം ബോധപൂര്വ്വം തലയില് കെട്ടിവെക്കുന്ന യുവജന നേതാക്കള്ക്ക് മുന്നില് തലകുനിക്കാനോ കാലുപിടിക്കാനോ നിര്വാഹമില്ലെന്നും ആകാശ് ഫേസ്ബുക്ക് കമന്റിലൂടെ വ്യക്തമാക്കി.
ആകാശ് തില്ലങ്കേരിയുടെ ഫേസ്ബുക്ക് പ്രതികരണത്തിന്റെ പൂര്ണരൂപം:
യുവജന സംഘടനയിലെ ഉത്തരവാദപ്പെട്ടവര് തന്നെ ഫേസ്ബുക്ക് പോസ്റ്റിലൂടെ സഖാവ് ബാബുവേട്ടന്റെ കൊലയാളികളുടെ കൂടെ കൊട്ടേഷന് നടത്തി എന്ന് ധ്വനിപ്പിച്ചു പോസ്റ്റുകള് ഇടുമ്പോള് ആരായാലും ഇതേപോലെ പ്രതികരിച്ചു പോകും. അതൊരുതരം വൈകാരികത ഇളക്കി വിടലാണ്.. ബോധപൂര്വ്വം അത് നിര്മ്മിച്ചെടുത്തത് ആണ്..
എന്നെ അടുത്തറിയുന്നവര് അത് വിശ്വസിക്കില്ലെങ്കിലും പറയുന്നത് ഡിവൈഎഫ്ഐജില്ലാ സെക്രട്ടറി ആവുമ്പോള് അതില് ആധികാരികത ഉണ്ടെന്ന് അവര് ധരിച്ചുപോകും.. അങ്ങിനെ രക്തസാക്ഷികളെ ഒറ്റുകൊടുത്തവര് ആരാണെങ്കിലും അവരുടെ പേരുപറഞ്ഞു തന്നെ തുറന്നുകാട്ടണം..
ഞാന് വെല്ലുവിളിക്കുന്നു ആ പ്രചാരണം എന്റെ പേരില് അഴിച്ചുവിടുന്നവരെ.. ഞാനത് ചെയ്തെന്ന് നിങ്ങള് തെളിയിക്കുമെങ്കില് ഞാന് തെരുവില് വന്ന് നില്ക്കാം,നിങ്ങളെന്നെ കല്ലെറിഞ്ഞു കൊന്നോളൂ..
അതില് കുറഞ്ഞ ശിക്ഷ ഒന്നും പാര്ട്ടിയെ ഒറ്റുകൊടുത്തവന് കല്പ്പിക്കാന് ഇല്ല.. ഇതുപോലുള്ള നുണപ്രചാരണങ്ങള് ശ്രദ്ധയില് പെടുത്തിയിട്ടും അവര് തിരുത്താന് തയ്യാറല്ലെങ്കില് എനിക്കും പരസ്യമായി പ്രതികരിക്കേണ്ടി വരും.. പാര്ട്ടി ഷുഹൈബ് കേസില് പ്രതിചേര്ക്കപെട്ടപ്പോള് എന്നെ പുറത്താക്കിയതാണ്..
അത് എനിക്കും നിങ്ങള്ക്കും പാര്ട്ടിക്കും എല്ലാവര്ക്കും ബോധ്യമുള്ള കാര്യമാണ്..അന്ന് മുതല് ഞാന് ചെയ്യുന്ന ഏതൊരു കാര്യത്തിലും പാര്ട്ടിക്ക് ഉത്തരവാദിത്വമേല്ക്കേണ്ട ബാധ്യത ഇല്ല.. അതൊരു വസ്തുതയാണ്.. എന്നുകരുതി ഒറ്റ രാത്രി കൊണ്ട് ഒറ്റുകാരനാക്കുന്ന പ്രവണത പാര്ട്ടിയെ സ്നേഹിക്കുന്ന ഒരു വ്യക്തി എന്ന നിലയില് എനിക്ക് അംഗീകരിക്കാന് കഴിയില്ല...'
പാര്ട്ടി എന്നെ തള്ളിപ്പറഞ്ഞതില് എനിക്ക് പ്രയാസമില്ല.. മജ്ജയും മാംസവും ഉള്ള മനുഷ്യന് തെറ്റ് സംഭവിക്കും..അത് തിരുത്താനും തള്ളാനും കൊള്ളാനും ഒക്കെ പാര്ട്ടിക്ക് അതിന്റേതായ രീതികളുണ്ട്.. പാര്ട്ടി കുറെ മുമ്പേ നടപടിയെടുത്തു പുറത്താക്കിയ ഒരാളാണ് ഞാന്,
പാര്ട്ടിയുടെ ഏതെങ്കിലും ഘടകത്തില് അംഗമായിരുന്നെങ്കില് മാത്രമേ പാര്ട്ടിക്ക് എന്നില് ഒരു കടിഞ്ഞാണ് ഉണ്ടാവുകയുള്ളു, അങ്ങിനെ ഉണ്ടെങ്കില് മാത്രമേ പാര്ട്ടിയുടെ അച്ചടക്കവും മര്യാദകളും പാലിക്കുന്ന ഒരാളാണോ ഞാന് എന്ന് പാര്ട്ടിക്കും നിരീക്ഷിക്കാന് സാധിക്കുകയുള്ളു..
പാര്ട്ടി പുറത്താക്കിയത് മുതല് എന്റെ അഭിപ്രായങ്ങളും പ്രവര്ത്തികളും പാര്ട്ടിയെ പഴിചാരേണ്ട ആവശ്യമില്ല..പിന്നെ ഞാനെന്തിന് ഇടതുപക്ഷ രാഷ്ട്രീയം ഫേസ്ബുക്കില് പ്രചരിപ്പിക്കുന്നു എന്നാണെങ്കില് എന്റെ ചോയ്സ്, എന്റെ ഇഷ്ടം ആ രാഷ്ട്രീയമായതു കൊണ്ട് മാത്രം.
ഒരു കമ്മിറ്റിയുടെ ആഹ്വാനത്തിനും കാത്ത് നിന്നിട്ടല്ല എന്റെ ബോധ്യങ്ങളുടെ അടിസ്ഥാനത്തില്..എന്നുകരുതി പാര്ട്ടിയെ ഒറ്റുകൊടുത്തവന് എന്ന കിരീടം ബോധപൂര്വ്വം എന്റെ തലയില് കെട്ടിവെക്കുന്ന ചുരുക്കം ചില യുവജന നേതാക്കള്ക്ക് മുന്നില് തലകുനിക്കാനോ കാലുപിടിക്കാനോ തല്ക്കാലം നിര്വാഹമില്ല..'' എന്നിങ്ങനെയാണ് ആകാശ് പ്രതികരിച്ചിട്ടുള്ളത്. ഉടൻ തന്നെ ഇതിൽ പാർട്ടിയിലും അല്ലാതെയും ഒരു പൊട്ടിത്തെറി ഉടനെ പ്രതീക്ഷിക്കാം എന്നു തന്നെയാണ് കരുതുന്നത്.
https://www.facebook.com/Malayalivartha
