സംസ്ഥാനത്തെ ഉദ്യോഗസ്ഥ തലത്തിൽ വൻ അഴിച്ചുപണി; അഡീഷനല് ചീഫ് സെക്രട്ടറിമാര് ഉള്പ്പെടെ 35 ഐ.എ.എസ് ഉദ്യോഗസ്ഥര്ക്ക് മാറ്റം; ആറ് ജില്ല കലക്ടര്മാരും മാറും; സഞ്ജയ് കൗൾ മുഖ്യതെരഞ്ഞെടുപ്പ് ഓഫിസറാകും
അഡീഷനല് ചീഫ് സെക്രട്ടറിമാര് ഉള്പ്പെടെ 35 ഐ.എ.എസ് ഉദ്യോഗസ്ഥര്ക്ക് മാറ്റം. സംസ്ഥാന മുഖ്യതെരഞ്ഞെടുപ്പ് ഓഫിസര് ടിക്കറാം മീണക്കും മാറ്റം. ടിക്കറാം മീണക്ക് പകരം സഞ്ജയ് കൗളിനാണ് പുതിയ ചുമതല. പ്ലാനിങ് ആന്ഡ് എക്കണോമിക് അഫേഴ്സ് വിഭാഗത്തിന്റെ ചുമതലയാണ് ടിക്കറാം മീണക്ക് നല്കിയിരിക്കുന്നത്.
തെരഞ്ഞെടുപ്പ് കമീഷന്റെ അംഗീകാരം ലഭിക്കുന്നതുവരെ ധനവകുപ്പിന്റേതുള്പ്പെടെ നിലവിലെ ചുമതലകളില് തുടരും. കൂടാതെ എറണാകുളം, തൃശൂര്, കോഴിക്കോട്, കാസര്കോഡ്, കോട്ടയം, പത്തനംതിട്ട ജില്ല കലക്ടര്മാര്ക്കും മാറ്റമുണ്ട്. അഡീഷണല് ചീഫ് സെക്രട്ടറി ഡോ. ആശാതോമസിന് നിലവിലെ പഴ്സണല് ആന്ഡ് അഡ്മിനിസ്ട്രേറ്റീവ് ഡിപ്പാര്ട്ടുമെന്റിന് പുറമെ ആരോഗ്യ കുടുംബ ക്ഷേമവകുപ്പിന്റെ അധികചുമതല നല്കി.
അഡീഷനല് ചീഫ് സെക്രട്ടറി ഡോ. വി. വേണുവിന് ടൂറിസത്തിന് പുറമെ ഉന്നത വിദ്യാഭ്യാസ വകുപ്പിെന്റ ചുമതല നല്കി. തദ്ദേശഭരണ വകുപ്പിന്റെ അഡീഷനല് ചീഫ് സെക്രട്ടറിയായിരുന്ന ശാരദാ മുരളീധരനാണ് ലോക്കല് സെല്ഫ് അര്ബന് ആന്ഡ് റൂറല് വിഭാഗത്തിന്റെ ചുമതല. പ്രിന്സിപ്പല് സെക്രട്ടറിമാരായ ബിശ്വനാഥ് സിന്ഹ (ഇലക്ട്രോണിക്സ് ആന്ഡ് ഇന്ഫര്മേഷന്), രാജേഷ്കുമാര് സിന്ഹ ( കയര്, വനം വന്യജീവി വകുപ്പ്), റാണിജോര്ജ് (സാമുഹ്യനീതിവകുപ്പ്, വനിതാശിശിവികസനം, സാംസ്കാരികം), സെക്രട്ടറിമാരായ ഡോ. ശര്മിള മേരി ജോസഫ് (നികുതി, സ്പോര്ട്സ്, യൂത്ത് അഫയേഴ്സ്, ആയുഷ്), ടിങ്കുബിസ്വാള് (തുറമുഖം, അനിമല് ഹസ്ബന്ഡറി, ഡയറി ഡെവലപ്മെന്റ്), ആനന്ദ് സിങ് (പബ്ലിക് വര്ക്സ്, കെ.എസ്.ടി.പി), സുരഭ് ജെയിന് (ലോക്കല്സെല്ഫ് അര്ബന്), ഡോ. രത്തന് യു. ഖേല്ക്കര് (കേരള ഗുഡ്സ് ആന്ഡ് സര്വീസ് ടാക്സ്), ബിജു പ്രഭാകര് (ട്രാന്സ്പോര്ട്ട് സെക്രട്ടറി), സി.എ. ലത (ഇന്ഫര്മേഷന് ആന്ഡ് പബ്ലിക്ക് റിലേഷന്സ്) എന്നീ ചുമതലകള് നല്കി.
തൃശൂര് ജില്ല കലക്ടര് ഷാനവാസിനെ മഹാത്മഗാന്ധി നാഷനല് റൂറല് എംപ്ലോയ്മെന്റ് ഗ്യാരണ്ടി സ്കീം ഡയറക്ടറായി മാറ്റി നിയമിച്ചു. പൊതുഭരണ വകുപ്പ് ജോയന്റ് സെക്രട്ടറി ഹരിത വി. കുമാറിനെ തൃശൂര് കലക്ടറായി നിയമിച്ചു. പത്തനംതിട്ട കലക്ടര് നരസിംഹുഗാരി റെഡ്ഡിയാണ് പുതിയ കോഴിക്കോട് കലക്ടര്.
ജാഫര് മാലിക്കാണ് പുതിയ എറണാകുളം കലക്ടര്. കോട്ടയം കലക്ടര് എം. അഞ്ജനയെ പൊതുഭരണ വകുപ്പ് ജോയന്റ് സെക്രട്ടറിയായി മാറ്റി നിയമിച്ചു. സാമൂഹികനീതി വകുപ്പ് ഡയറക്ടറുടെ അധിക ചുമതലയും അഞ്ജനക്ക് നല്കി. പഞ്ചായത്ത് ഡയറക്ടര് പി.കെ. ജയശ്രീയെ കോട്ടയം കലക്ടറായി നിയമിച്ചു.
സാമൂഹിക നീതി വകുപ്പ് ഡയറക്ടര് ഷീബ ജോര്ജിനെ ഇടുക്കി ജില്ല കലക്ടറായി നിയമിച്ചു. ഇടുക്കി കലക്ടര് എച്ച്. ദിനേശനാണ് പുതിയ പഞ്ചായത്ത് ഡയറക്ടര്. മഹാത്മഗാന്ധി നാഷനല് റൂറല് എംപ്ലോയ്മെന്റ് ഗ്യാരണ്ടി സ്കീം ഡയറക്ടര് ദിവ്യ എസ്. അയ്യരെ പത്തനംതിട്ട കലക്ടറായി മാറ്റി നിയമിച്ചു. എറണകുളം ജില്ല വികസന കമീഷണര് അഫ്സാന പര്വീന് കൊച്ചിന് സ്മാര്ട് മികന് ലിമിറ്റഡ് സി.ഇ.ഒ ചുമതല നല്കി.
കായിക യുവജനകാര്യ ഡയറക്ടര് ജെറൊമിക് ജോര്ജിന് ലാന്ഡ് റവന്യൂ ജോയന്റ് കമീഷണറുടെ അധിക ചുമതല നല്കി. വ്യാവസായിക ഡയറക്ടറായിരുന്ന എം.ജി. രാജമാണിക്യത്തിന് പട്ടികജാതി ജാതി വികസന വകുപ്പ് ഡയറക്ടറായി നിയമിച്ചു. കുടുംബശ്രീ എക്സിക്യൂട്ടീ ഡയറക്ടറായിരുന്ന എസ്. ഹരികിഷോറിനെ ഇന്ഡസ്ട്രീസ് ആന്ഡ് കൊമേഴ്സ് ഡയറക്ടറായി നിയമിച്ചു.
ദുരന്ത നിവാരണ കമീഷണറായ ഡോ. എ. കൗശികനെ അനിമല് ഹസ്ബന്ഡറി ഡയറക്ടറുടെ അധിക ചുമതല നല്കി. ഭൂ സര്വേ ഡയറക്ടറായിരുന്ന ആര്. ഗിരിജയെ ഫിഷറീട് ഡയറക്ടറായി നിയമിച്ചു. ഇന്ഡസ്ട്രീസ് ആന്ഡ് കൊമ്മേഴ്സ് വകുപ്പ് ഡയറക്ടറായിരുന്ന ഭണ്ഡാരി സ്വാഗത് റണ്വീര് ചന്ദിനെ കാസര്കോട് കലക്ടറായി നിയമിച്ചു. കാസര്കോഡ് കലക്ടറായിരുന്ന ഡോ. ഡി. സജിത്ത് ബാബുവിനെ സിവില് സപ്ലൈസ് ഡയറക്ടറായി നിമയമിച്ചു. ഇദ്ദേഹത്തിന് ആയുഷിന്റെ ഡയറക്ടറുടെ അധിക ചുമതലയും നല്കി.
https://www.facebook.com/Malayalivartha
