ഓമല്ലൂരിന് സമീപം പുത്തന്‍പീടികയില്‍ നിയന്ത്രണംവിട്ട കെഎസ്ആര്‍ടിസി ബസ് കടയിലേക്ക് ഇടിച്ചു കയറി ഒരാള്‍ക്ക് പരുക്കേറ്റു. കടയില്‍നിന്ന് ശീതള പാനീയം കുടിച്ചുകൊണ്ടിരുന്ന അജയ ചന്ദ്രന്‍ എന്നയാള്‍ക്കാണ് പരുക്കേറ്റത്. ഇദ്ദേഹത്തിന്റെ പരുക്ക് ഗുരുതരമല്ല.

പിക്കപ്പ് വാനില്‍ ഇടിച്ച ശേഷമാണ് ബസ് കടയിലേക്ക് ഇടിച്ചു കയറിയത്. പത്തനംതിട്ടയില്‍നിന്ന് കൊല്ലത്തേക്ക് പോകുകയായിരുന്നു ബസ്. ബസ് വേഗത്തിലായിരുന്നു നാട്ടുകാര്‍ ആരോപിച്ചു. അതേസമയം, ബസിലെ യാത്രക്കാര്‍ പരുക്കേല്‍ക്കാതെ രക്ഷപ്പെട്ടു.