പേരൂര്ക്കടയില് ടിപ്പര് ലോറി ഡ്രൈവറെ വെട്ടിക്കൊലപ്പെടുത്താന് ശ്രമിച്ച കേസില് രണ്ട് പ്രതികള് പോലീസ് പിടിയില്
പേരൂര്ക്കടയില് ടിപ്പര് ലോറി ഡ്രൈവറെ വെട്ടിക്കൊലപ്പെടുത്താന് ശ്രമിച്ച കേസില് രണ്ട് പ്രതികളെ പൊലീസ് പിടികൂടി. അരുവിക്കര കളത്തുകാല് വാര്ഡില് കാച്ചാണി കലക്കോട്ടുകോണം ശ്രീപത്മനാഭ വീട്ടില് വിനീത് (40), കാട്ടാക്കട കള്ളിക്കാട് ദേവന്കോട് ദീപു ഭവനില് ദീപു (29) എന്നിവരെയാണ് പേരൂര്ക്കട പൊലീസ് അറസ്റ്റ് ചെയ്തത്.
ജൂലൈ ഒന്നിന് രാത്രി 12ന് ടിപ്പര് ലോറി ഡ്രൈവര്മാര് വാടകക്ക് താമസിക്കുന്ന അമ്പലംമുക്ക് പൈപ്പ് ലെയിന് റോഡിലുള്ള വീട്ടിലായിരുന്നു സംഭവം. അവിടെ താമസക്കാരനായ ഡ്രൈവര് സുല്ഫിക്കറിനെ ടിപ്പര് ലോറി ഉടമ വിനീതും മറ്റൊരു ഡ്രൈവര് ദീപുവും ചേര്ന്ന് വെട്ടുകത്തി കൊണ്ട് വെട്ടിപ്പരിക്കേല്പ്പിക്കുകയായിരുന്നു.
ഡ്രൈവര്മാര് തമ്മിലെ വഴക്കിനെതുടര്ന്ന് ചിലര് പിണങ്ങിപ്പോയത് സുല്ഫിക്കര് കാരണമാണെന്ന് ആരോപിച്ചായിരുന്നു ആക്രമണം.
സംഭവത്തിനുശേഷം ഒളിവില് പോയ പ്രതികളെ അന്വേഷിച്ചുവരവെ കന്േറാണ്മെന്റ് അസി. കമീഷണര് അജിത് കുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പേരൂര്ക്കട എസ്.എച്ച്.ഒ അനൂപ് കൃഷ്ണന്റെ നേതൃത്വത്തില് എസ്.ഐമാരായ ജയേഷ്, മോനിഷ്, ജയകുമാര്, അനിക്കുട്ടന് നായര്, സി.പി.ഒമാരായ അനൂപ്, അനീഷ് കുമാര് എന്നിവരടങ്ങിയ പൊലീസ് സംഘം പ്രതികളെ അറസ്റ്റ് ചെയ്തത്. കോടതിയില് ഹാജരാക്കി റിമാന്ഡ് ചെയ്തു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
