എസ്.ഐ ആനിശിവക്കെതിരെ അപകീര്‍ത്തികരമായ രീതിയില്‍ സോഷ്യല്‍ മീഡിയയില്‍ പോസ്റ്റിട്ട ഹൈകോടതി അഭിഭാഷക സംഗീത ലക്ഷമണക്കെതിരെ പൊലീസ് കേസെടുത്തു. എറണാകുളം സെന്‍ട്രല്‍ പൊലീസ് സ്‌റ്റേഷനില്‍ ഹൈകോടതിയിലെ മറ്റൊരു അഭിഭാഷകന്‍ നല്‍കിയ പരാതിയിലാണ് പൊലസ് കേസെടുത്തിരിക്കുന്നത്. എസ്.ഐ യെ അപമാനിക്കുകയും അവര്‍ക്ക് അഭിമാനക്ഷതം ഉണ്ടാക്കുന്നതുമായ പോസ്റ്റാണ് സംഗീത ലക്ഷമണ ഫേസ്ബുക്കില്‍ ഇട്ടിരിക്കുന്നതെന്ന് പരാതിയില്‍ പറയുന്നു.സംഗീത ലക്ഷമണയുടെ പോസ്റ്റിനെതിരെ നിരവധി പേര്‍ രംഗത്ത് വന്നിരുന്നു.സേനയിലെ ഒരാളെ അപമാനിക്കുന്ന ഒരു ഫേസ്ബുക്ക് പോസ്റ്റ് വ്യാപകമായി പ്രചരിപ്പിച്ചിട്ടും പൊലീസ് ആരും കേസെടുത്തില്ലെന്നും പരാതിയില്‍ പറയുന്നു. പൊലീസിന്റെ നിസംഗതയില്‍ വ്യാപകമായ പരാതി ഉയര്‍ന്നിരുന്നു.