മോഷണം നടത്തിയ ബൈക്കില്‍ നമ്ബര്‍പ്ലേറ്റില്ലാതെ കറങ്ങിനടന്ന യുവാക്കളെ പോലീസ് അറസ്റ്റ് ചെയ്തു. പുന്നപ്ര പുതുവല്‍വീട്ടില്‍ അനന്തു (21), പുറക്കാട് പള്ളിത്തറ വീട്ടില്‍ എം. അമില്‍ (19) എന്നിവരാണ് പോലീസ് പിടിയിലായത്. ബുധനാഴ്ച വൈകീട്ട് പിച്ചുഅയ്യര്‍ ജങ്ഷന്‍ സമീപമായിരുന്നു സംഭവം. നമ്ബര്‍ പ്ലേറ്റ് ഇല്ലാത്ത ബൈക്കില്‍ യുവാക്കള്‍ കറങ്ങുന്നതായി പോലീസിനു രഹസ്യവിവരം ലഭിച്ചിരുന്നു. തുടര്‍ന്ന് നടത്തിയ വാഹനപരിശോധനയ്ക്കിടെയാണ് പ്രതികളെ പിടികൂടിയത്. നോര്‍ത്ത് പോലീസ് എസ്.ഐ. ടോള്‍സണ്‍ ജോസഫ്, സി.പി.ഒ.മാരായ ജോസഫ് ജോയ്, അനു പാപ്പച്ചന്‍, ജെറിന്‍ ബിനോജ് ബിജു, എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.