തിരുവനന്തപുരത്ത് അമ്മയെ ഉപദ്രവിക്കുന്നത് തടയാന്‍ ശ്രമിച്ച ബന്ധുവിനെ മകന്‍ ചവിട്ടിക്കൊന്നു. ബാലരാമപുരത്താണ് സംഭവം.ഇന്ന് വൈകിട്ടോടെയാണ് ദാരുണമായ സംഭവം നടന്നത്. 63കാരനായ തമ്ബിയാണ് കൊല്ലപ്പെട്ടത്.

കൂത്തുകാല്‍ക്കോണം സ്വദേശിനിയായ സുധയെ മകന്‍ സന്ദീപ് (30) ഉപദ്രവിക്കുന്നത് പതിവായിരുന്നു. മര്‍ദനം ഇന്നും തുടര്‍ന്നു. ബഹളം കേട്ടെത്തിയ സുധയുടെ ബന്ധുവും സമീപവാസിയും കൂടിയായ തമ്ബി, സന്ദീപിനെ തടഞ്ഞു.

തുടര്‍ന്ന് ഇയാളെ മുറിയില്‍ പൂട്ടി. കതക് ചവിട്ടിപ്പൊളിച്ച്‌ പുറത്തിറങ്ങിയ സന്ദീപ് തമ്ബിയുടെ വീട്ടിലെത്തി അദ്ദേഹത്തെ ക്രൂരമായി മര്‍ദിക്കുകയായിരുന്നു. സംഭവ സ്ഥലത്തു തന്നെ തമ്ബി മരിച്ചു.