സര് ഇനി ഇത് ആവര്ത്തിക്കില്ല...ഡിജിപിയുടെ സര്ക്കുലറിന് പുല്ലുവില: പൊലീസുകാര്ക്ക് ഇംപോസിഷന് വിധിച്ച് ഡിജിപി
ഡിജിപിയുടെ പുതിയ സര്ക്കുലറിനോടും ഏമാന്മാര്ക്ക് മൈന്ഡില്ല പകരം ശിക്ഷ വിധിച്ച് ഡിജിപി.സംസ്ഥാനത്തു നിന്നും കാണാതാകുന്ന വിദ്യാര്ത്ഥികളെയും സ്ത്രീകളുടെയും കാര്യത്തില് എടുക്കേണ്ട നടപടിയുമായി ബന്ധപ്പെട്ട സര്ക്കുലര് വായിക്കാത്തതിനെ തുടര്ന്ന് പൊലീസുകാര്ക്ക് ഡിജിപിയുടെ ഇംപോസിഷന്. സര്ക്കുലര് വായിച്ച് വെള്ളക്കടലാസില് സ്വന്തം കൈപ്പടയില് പകര്ത്തി ഈ മാസം 24 ന് മുമ്പായി സമര്പ്പിക്കാനാണ് നിര്ദ്ദേശം.
പിന്നാലെ എല്ലാവരും വെള്ളക്കടലാസില് വൃത്തിയായി എഴുതി നല്കാന് ആവശ്യപ്പെട്ടിരിക്കുകയാണ്. ജില്ലാ പൊലീസ് മേധാവിയുടെ മേല്നോട്ടത്തില് എഴുതി തയ്യാറാക്കിയ സര്ക്കുലറിന്റെ കോപ്പി ഉന്നതര് പരിശോധിക്കണം. സ്ത്രീകളെയും കുട്ടികളെയും കാണാതാകുന്ന കേസില് അവരില് നിന്നും പെട്ടെന്ന് തന്നെ പരാതി സ്വീകരിച്ച ശേഷം കണ്ട്രോള് റൂമില് എത്രയും പെട്ടെന്ന് അറിയിക്കുകയും നടപടികള് തുടങ്ങുകയും ചെയ്യണമെന്നാണ് സര്ക്കുലറില് ഉള്ളതെന്ന് അറിയുന്നു.
പൊലീസുകാരുടെ ഇംപോസിഷന് നോക്കാന് ജില്ലാ പൊലീസ് അധികാരികളെ ചുമതലപ്പെടുത്തിയിട്ടുമുണ്ട്. സ്ത്രീകളെയും കുട്ടികളെയും കാണാതാകുന്ന കേസില് സ്വീകരിക്കേണ്ട നിയമനടപടികളെ കുറിച്ച് കഴിഞ്ഞ 14 നാണ് ഡിജിപി പ്രത്യേക സര്ക്കുലര് പുറത്തിറക്കിയത്. എന്നാല് കോന്നിയില് നിന്നും പെണ്കുട്ടികളെ കാണാതെപോയ സംഭവത്തിന് പിന്നാലെ എടുക്കേണ്ട നടപടികളെക്കുറിച്ച് സര്ക്കുലറിനെ മാനദണ്ഡമാക്കി ആരാഞ്ഞപ്പോള് മിക്ക സ്റ്റേഷനിലെയും പൊലീസുകാര് വാ പൊളിച്ചതോടെയാണ് ഇംപോസിഷന് തീരുമാനിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha