ശില്‍പ ഷെട്ടിയുടെ ഭര്‍ത്താവായ രാജ് കുന്ദ്രെയെപ്പറ്റിയുള്ള വാര്‍ത്തകളാണ് നിറയെ. ശില്‍പ ഷെട്ടിയുടെ സഹോദരി ശമിത ഷെട്ടിയെ നായികയാക്കി സിനിമ നിര്‍മിക്കാന്‍ രാജ് കുന്ദ്ര പദ്ധതിയിട്ടിരുന്നതായും റിപ്പോര്‍ട്ടുകളുണ്ട്. കോടതി ചൊവ്വാഴ്ച വരെ രാജ്കുന്ദ്രയെ കസ്റ്റഡിയില്‍ വിട്ടിരിക്കുകയാണ്.

നീലച്ചിത്ര നിര്‍മ്മാണവുമായി ബന്ധപ്പെട്ട് അറസ്റ്റിലായ രാജ്കുന്ദ്ര പോണ്‍ വീഡിയോയുടെ വില്‍പ്പനയിലൂടെ വന്‍ തുക സമ്പാദിച്ചെന്നാണ് മുംബൈ പോലീസ് പറയുന്നത്. ഇങ്ങിനെ കിട്ടിയ പണം മറ്റൊരു ഓണ്‍ലൈന്‍ സുഖമായ വാതുവെയ്പ്പിനാണ് ഉപയോഗിച്ചതെന്നാണ് മുംബൈ പോലീസ് വ്യക്തമാക്കുന്നത്. അന്താരാഷ്ട്ര തലത്തിലായിരുന്നു വീഡിയോ വില്‍പ്പന നടത്തിയിരുന്നതെന്നും പറഞ്ഞു.

1.2 ദശലക്ഷം ഡോളറിന് 121 നീലച്ചിത്ര വീഡിയോകള്‍ വില്‍പ്പന നടത്തുന്നതിനെക്കുറിച്ചുള്ള ഒരു സംഭാഷണം കുന്ദ്രയുടെ വാട്‌സ്ആപ്പ് ചാറ്റില്‍ നിന്നും പോലീസ് കണ്ടെത്തിയിരുന്നു. ഇത് അന്താരാഷ്ട്ര തലത്തിലുള്ള ഇടപാടാണ്. പോര്‍ണോഗ്രാഫി വീഡിയോകള്‍ വിറ്റുകിട്ടിയ പണം മുഴുവനും രാജ് കുന്ദ്ര ഓണ്‍ലൈന്‍ ചൂതാട്ടത്തിനാണ് ഉപയോഗിച്ചിരുന്നതെന്നാണ് പോലീസിന്റെ സംശയം. രാജ് കുന്ദ്രയുടെ യെസ് ബാങ്കിന്റെയും യുണൈറ്റഡ് ബാങ്ക് ഓഫ് സൗത്താഫ്രിക്കയിലെയും അക്കൗണ്ട് പരിശോധിക്കണമെന്നാണ് പോലീസ് പറയുന്നത്.

അറസ്റ്റിലായ ശേഷം ഇതാദ്യമായി കുന്ദ്രേയുമായി പോലീസ് മുംബൈയിലെ വീട്ടിലെത്തി. മുംബൈ പോലീസിന്റെ പ്രത്യേക പോലീസ് ടീം ശില്‍പ്പാഷെട്ടിയും കുന്ദ്രേയും രണ്ടുമക്കളും താമസിക്കുന്ന വീട്ടിലെത്തി തെരച്ചില്‍ നടത്തി. 48 ടിവി ഡേറ്റ മുഴുവന്‍ നീലച്ചിത്രം വരുന്ന ഒരു സാന്‍ഡ്‌ബോക്‌സ് കണ്ടെടുത്തതായും പോലീസ് പറഞ്ഞു. ഇതിലെ 51 അശഌല ക്ലിപ്പും കണ്ടെത്തി. ഇതില്‍ 35 എണ്ണം ഹോട്ട്‌ഷോട്ടിന്റേതാണെന്നും പോലീസ് കോടതിയില്‍ പറഞ്ഞു. അറസ്റ്റിനെതിരേ കുന്ദ്ര മുംബൈ ഹൈക്കോടതിയെ സമീപിച്ചിരിക്കുകയാണ്.

അതേസമയം ശില്‍പ്പ ഷെട്ടിയുടെ സഹോദരി ശമിത ഷെട്ടിയെ നായികയാക്കി സിനിമ നിര്‍മിക്കാന്‍ രാജ് കുന്ദ്ര പദ്ധതിയിട്ടിരുന്നതായി നടി ഗെഹന വസിഷ്ഠ് വെളിപ്പെടുത്തി. ബോളിഫെയിം എന്ന പുതിയ ആപ്പും രാജിന്റെ ആലോചനയില്‍ ഉണ്ടായിരുന്നതായി നടി പറഞ്ഞു. നവ് ഭാരത് ടൈംസിന് നല്‍കിയ അഭിമുഖത്തില്‍ സംസാരിക്കുകയായിരുന്നു അവര്‍.

രാജിന്റെ അറസ്റ്റിന് തൊട്ടുമുമ്പാണ് ഞാന്‍ അദ്ദേഹത്തിന്റെ ഓഫീസിലെത്തിയത്. ബോളിഫെയിം എന്ന പേരില്‍ പുതിയ ആപ്പ് ലോഞ്ച് ചെയ്യാന്‍ അദ്ദേഹത്തിന് പദ്ധതിയുണ്ടായിരുന്നതായി അറിഞ്ഞു. ചാറ്റ് ഷോകള്‍, റിയാലിറ്റി ഷോകള്‍, ഫീച്ചര്‍ ഫിലിമുകള്‍, മ്യൂസിക് വീഡിയോകള്‍ എന്നിവയാണ് ആപ്പില്‍ പദ്ധതിയിട്ടിരുന്നത്. ഫീച്ചര്‍ ഫിലിമുകളില്‍ ബോള്‍ഡ് സീനുകള്‍ പ്ലാന്‍ ചെയ്തിരുന്നില്ലെന്നും നീലച്ചിത്ര നിര്‍മാണക്കേസില്‍ ജാമ്യത്തില്‍ കഴിയുന്ന ഗെഹന പറഞ്ഞു.

ഞങ്ങള്‍ തിരക്കഥ ചര്‍ച്ച ചെയ്തിരുന്നു. ഒരു സ്‌ക്രിപ്റ്റിലേക്ക് ശമിത ഷെട്ടിയെ കാസ്റ്റ് ചെയ്യാനായിരുന്നു ആലോചന. സായ് തംഹന്‍കാര്‍ അടക്കം മറ്റു രണ്ടു പേരെ കാസ്റ്റ് ചെയ്യാനുള്ള ശ്രമമുണ്ടായിരുന്നതായും അവര്‍ പറഞ്ഞു.

കേസില്‍ ഫെബ്രുവരി നാലിന് മലാഡിനടുത്തുള്ള മഡ് ഐലന്റില്‍ നിന്നാണ് ഗെഹനയെ പൊലീസ് അറസ്റ്റു ചെയ്തിരുന്നത്. പോണ്‍ വീഡിയോ ചിത്രീകരിക്കുന്നതിനിടെയായിരുന്നു പൊലീസ് റെയ്ഡ്. സ്വന്തം വെബ്‌സൈറ്റിലെ അശ്ലീല വീഡിയോക്ക് നടി സബ്‌സ്‌ക്രിപ്ഷനും ഈടാക്കിയിരുന്നു. ഗെഹനയുടെ മൊഴിയുടെ അടിസ്ഥാനത്തിലാണ് ഉമേഷ് കാമത്ത് എന്നയാള്‍ പിടിയിലായത്. രാജ് കുന്ദ്രയുടെ സ്ഥാപനത്തിലെ മുന്‍ ജീവനക്കാരനായിരുന്നു ഉമേഷ്. യുകെ ആസ്ഥാനമായ കെന്റിന്‍ കമ്പനിയുടെ ഇന്ത്യന്‍ വിഭാഗത്തിന്റെ ചുമതലക്കാരനായിരുന്നു ഉമേഷ്. അഭിനയ മോഹമുള്ള മോഡലിങ് താരങ്ങളെയാണ് സംഘം വലവീശിപ്പിടിച്ചിരുന്നത്.