സംസ്ഥാനത്ത് കനത്ത മഴയ്ക്കു സാധ്യത... മുന്നറിയിപ്പിന്റെ പശ്ചാത്തലത്തില് സംസ്ഥാനത്താകെ ഇന്ന് യെല്ലോ അലര്ട്ട്
സംസ്ഥാനത്ത് കനത്ത മഴയ്ക്കു സാധ്യത... മുന്നറിയിപ്പിന്റെ പശ്ചാത്തലത്തില് സംസ്ഥാനത്താകെ ഇന്ന് യെല്ലോ അലര്ട്ട് . ബംഗാള് ഉള്ക്കടലില് രൂപപ്പെട്ട ന്യൂനമര്ദത്തിന്റെ സ്വാധീനത്താല് കേരളത്തില് കാലവര്ഷം ശക്തിപ്രാപിക്കുന്നതിനിടെ, ബുധനാഴ്ചയോടെ ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടാന് സാധ്യതയെന്നു കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഇതോടെ വരും ദിവസങ്ങളില് കേരളത്തില് മഴ കൂടുതല് ശക്തമാകും.
വടക്കന് കേരളത്തിലും മധ്യകേരളത്തിലും കഴിഞ്ഞ ദിവസങ്ങളില് അതിശക്തമായ മഴയാണു ലഭിച്ചത്. ചൊവ്വാഴ്ച രാവിലെ വരെ ഒറ്റപ്പെട്ട സ്ഥലങ്ങളില് കനത്ത മഴയ്ക്കു സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
മുന്നറിയിപ്പിന്റെ പശ്ചാത്തലത്തില് സംസ്ഥാനത്താകെ ഇന്ന് യെല്ലോ അലര്ട്ട് പ്രഖ്യാപിച്ചു. ആലപ്പുഴ, കോട്ടയം, എറണാകുളം, ഇടുക്കി, കണ്ണൂര്, കാസര്ഗോഡ് ജില്ലകളില് നാളെയും ഇടുക്കി, കോഴിക്കോട്, കണ്ണൂര്, കാസര്ഗോഡ് ജില്ലകളില് ചൊവ്വാഴ്ചയും യെല്ലോ അലര്ട്ടാണ്.
"
https://www.facebook.com/Malayalivartha
