കയ്യാങ്കളിക്ക് മാപ്പില്ല..... നിയമസഭാ കയ്യാങ്കളി കേസില് വിധി പറഞ്ഞ് സുപ്രീം കോടതി.... എം.എല്.എമാര്ക്ക് പ്രത്യേക പരിഗണനയില്ല, അക്രമങ്ങള്ക്ക് പ്രത്യേക പരിരക്ഷ നല്കാനാകില്ല... കേസിലെ എല്ലാ പ്രതികളും വിചാരണ നേരിടണം, നിയമസഭ കയ്യാങ്കളി കേസില് സര്ക്കാരിന്റെ ഹര്ജി തള്ളി
കയ്യാങ്കളിക്ക് മാപ്പില്ല..... നിയമസഭാ കയ്യാങ്കളി കേസില് വിധി പറഞ്ഞ് സുപ്രീം കോടതി.... കേസിലെ എല്ലാ പ്രതികളും വിചാരണ നേരിടണം, നിയമസഭ കയ്യാങ്കളി കേസില് സര്ക്കാരിന്റെ ഹര്ജി തള്ളി .
നിയമസഭ കയ്യാങ്കളിക്കേസ് അവസാനിപ്പിക്കാന് അനുമതി തേടി സംസ്ഥാന സര്ക്കാര് സമര്പ്പിച്ച ഹരജിയില് സുപ്രീംകോടതി വിധി പ്രസ്താവം തുടങ്ങി. എം.എല്.എമാരുടെ അവകാശം ഭരണഘടനാ ഉത്തരവാദിത്തം നിറവേറ്റാന് മാത്രമെന്ന് സുപ്രീംകോടതി വ്യക്തമാക്കി.
എം.എല്.എമാര്ക്ക് പ്രത്യേക പരിഗണനയില്ല. അക്രമങ്ങള്ക്ക് പ്രത്യേക പരിരക്ഷ നല്കാനാകില്ലെന്നും ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് വ്യക്തമാക്കി.
നേരത്തെ, ഹര്ജി പരിഗണിക്കവേ സംസ്ഥാന സര്ക്കാറിനെ രൂക്ഷ വിമര്ശനമാണ് സുപ്രീംകോടതി നടത്തിയത്. വി. ശിവന്കുട്ടി അടക്കമുള്ള സി.പി.എം എം.എല്.എമാര് നടത്തിയ അക്രമം അസ്വീകാര്യമാണെന്നും അവര് പൊതുസ്വത്ത് നശിപ്പിച്ചത് പൊറുക്കാനാകില്ലെന്നും സുപ്രീംകോടതി അഭിപ്രായപ്പെട്ടു.
2015ല് യു.ഡി.എഫ് സര്ക്കാറിന്റെ കാലത്ത് അന്നത്തെ ധനമന്ത്രി കെ.എം. മാണി ബജറ്റ് അവതരിപ്പിക്കുന്നത് തടയാന് പ്രതിപക്ഷാംഗങ്ങള് നിയമസഭയില് നടത്തിയ അതിക്രമങ്ങളാണ് കേസിനാധാരം. നിയമസഭ തെരഞ്ഞെടുപ്പിന് ദിവസങ്ങള് മാത്രം ശേഷിക്കെ, മന്ത്രിമാരായ ഇ.പി. ജയരാജന്, കെ.ടി. ജലീല് ഉള്പ്പെടെ ആറ് പ്രതികളും വിചാരണ നേരിടണമെന്ന് ഉത്തരവുണ്ടായി.
കേസ് അവസാനിപ്പിക്കണമെന്ന് ആവശ്യപ്പെട്ട് പ്രതികളായ മന്ത്രി വി. ശിവന്കുട്ടി, മുന് മന്ത്രിമാരായ ഇ.പി. ജയരാജന്, കെ.ടി. ജലീല് തുടങ്ങിയവരും കോടതിയെ സമീപിച്ചിരുന്നു. എന്നാല്, ബാഹ്യസ്വാധീനത്തിന്റെ അടിസ്ഥാനത്തിലാണ് കേസ് പിന്വലിക്കാന് അപേക്ഷ നല്കിയതെന്ന് വിലയിരുത്തിയാണ് തിരുവനന്തപുരം സി.ജെ.എം കോടതിയുടെ ഉത്തരവുണ്ടായത്. തുടര്ന്ന്, ശിവന്കുട്ടിയുടെ പരാതിയുടെ അടിസ്ഥാനത്തില് സര്ക്കാറിന്റെ നിലപാട് കോടതിയില് അറിയിക്കുന്നതില് വീഴ്ചവരുത്തിയെന്ന് ആരോപിച്ച് ഡെപ്യൂട്ടി ഡയറക്ടര് ഓഫ് പ്രോസിക്യൂഷനായിരുന്ന വനിതയെ മാറ്റുകയും ചെയ്തു.
കൈയാങ്കളിയില് മന്ത്രിമാരടങ്ങുന്ന സാമാജികര്ക്കെതിരെ എടുത്ത കേസ് അവസാനിപ്പിക്കാനുള്ള ആവശ്യം തള്ളിയ സി.ജെ.എം കോടതി നടപടി ചോദ്യം ചെയ്ത് സമര്പ്പിച്ച ഹരജിയാണ് ഹൈകോടതി തള്ളിയത്. തെരഞ്ഞെടുക്കപ്പെട്ട അംഗങ്ങള്ക്ക് സഭയുടെ അന്തസ്സ് സംരക്ഷിക്കാനുള്ള ധാര്മിക ചുമതലയുണ്ടെന്നതടക്കം വിലയിരുത്തി കേസ് പിന്വലിക്കാന് അനുമതി നല്കണമെന്ന സര്ക്കാര് ആവശ്യം കോടതി നിഷേധിച്ചു.
തുടര്ന്നാണ് ഹൈകോടതി വിധിക്കെതിരെ കേരള സര്ക്കാര് സുപ്രീംകോടതിയെ സമീപിച്ചത്. നിയമപരമായ വശങ്ങള് പരിശോധിക്കുന്നതില് ഹൈകോടതി സിംഗിള് ബെഞ്ചിന് വീഴ്ച പറ്റിയെന്ന് ചൂണ്ടിക്കാട്ടി അപ്പീല് നല്കാമെന്ന അഡീഷനല് അഡ്വക്കറ്റ് ജനറല് കെ.കെ. രവീന്ദ്രനാഥിന്റെ നിയമോപദേശത്തിലാണ് സുപ്രീംകോടതിയില് ഹരജി നല്കിയത്.
"
https://www.facebook.com/Malayalivartha
