ഓടായിക്കല്‍, പുള്ളിപ്പാടം മേഖലകളില്‍ കാട്ടാനശല്യം വളരെ രൂക്ഷമാകുന്നു. ഇതുവരെ രണ്ട് ആനകളാണ് ജനവാസമേഖലകളില്‍ ഇറങ്ങിയിരുന്നത്. പക്ഷെ ഏതാനും ദിവസങ്ങളായി അഞ്ചെണ്ണം നിരന്തരം ജനവാസമേഖലകളിലിറങ്ങി ഭീതി പടര്‍ത്തുന്നതായി നാട്ടുകാര്‍ പറഞ്ഞു. പട്ടാപ്പകലും ഇവ സ്വൈരവിഹാരം നടത്തുകയാണ്.

വഴിയോരങ്ങളിലും മറ്റും നിലയുറപ്പിക്കുന്ന ആനക്കൂട്ടം മനുഷ്യജീവനു ഭീഷണിയായിട്ടും അധികൃതര്‍ നടപടികളൊന്നും സ്വീകരിക്കുന്നില്ലെന്നാണ് പരാതി. കഴിഞ്ഞദിവസവും ഇവ കൂട്ടത്തോടെയെത്തി വ്യാപകമായി കൃഷിനശിപ്പിച്ചിട്ടുണ്ട്.