ആത്മഹത്യയുടെ വക്കിൽ! വിലക്ക് ലംഘിച്ച് കടകള് തുറക്കുമെന്ന് വ്യാപാരികള്; ആഗസ്റ്റ് രണ്ട് മുതല് ആറ് വരെ സെക്രട്ടറിയേറ്റിന് മുന്നില് ധര്ണ്ണ
28 JULY 2021 05:06 PM IST
മലയാളി വാര്ത്ത
സംസ്ഥാന സര്ക്കാറിന്റെ കോവിഡ് നിയന്ത്രണങ്ങള് ലംഘിച്ച് കടകള് തുറക്കുമെന്ന് വ്യാപാരികള്. ആഗസ്റ്റ് ഒമ്ബത് മുതലായിരിക്കും കടകള് തുറക്കുക. ആഗസ്റ്റ് രണ്ട് മുതല് ആറ് വരെ സെക്രട്ടറിയേറ്റിന് മുന്നില് ധര്ണ്ണ നടത്തുമെന്നും വ്യാപാരികള് വ്യക്തമാക്കി. വ്യാപാരി വ്യവസായി ഏകോപന സമിതി പ്രസിഡന്റ് ടി.നസറുദ്ദീനാണ് ഇക്കാര്യം പറഞ്ഞത്.
ആത്മഹത്യയുടെ വക്കിലാണുള്ളതെന്നും വ്യാപാരികള് പറഞ്ഞു. നേരത്തയും വിലക്ക് ലംഘിച്ച് കടകള് തുറക്കാന് വ്യാപാരികള് തീരുമാനിച്ചിരുന്നു. ബലിപെരുന്നാള് സമയത്തായിരുന്നു ഇത്തരത്തില് കടകള് തുറക്കുമെന്ന് വ്യാപാരികള് അറിയിച്ചത്.
തുടര്ന്ന് സംസ്ഥാന സര്ക്കാര് വ്യാപാരികളുമായി ചര്ച്ച നടത്തുകയും മൂന്ന് ദിവസത്തേക്ക് കടകള് തുറക്കാന് അനുമതി നല്കുകയുമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
