പിണറായി വിജയൻ്റെ നമ്പർ വൺ കേരളം ജൈത്രയാത്ര തുടരുകയാണെന്ന് പറഞ്ഞാൽ സഖാക്കൾക്ക് ഹാപ്പി. പ്രതിപക്ഷം ഒന്ന് നെറ്റി ചുളിച്ചേക്കാം...അതൊന്നും അത്രയ്ക്ക് കാര്യമാക്കണ്ട... രാജ്യത്ത് ആദ്യം കോവിഡ് റിപ്പോർട്ട് ചെയ്തത് കേരളത്തിലാണെന്ന് പറഞ്ഞ് ആക്ഷേപിക്കുന്നവരോടൊന്നും നമുക്ക് യോജിപ്പില്ല.

പക്ഷെ, ബിബിസിയിലും... ഒക്കുമെങ്കിൽ അങ്ങ് യുഎന്നിൽ പോലും, അഭിനന്ദനം ചോദിച്ചു വാങ്ങാൻ ഏർപ്പാട് ചെയ്യുന്ന ടീംസിൻ്റെ കൈവിട്ട കളിയിലാണ് കേരളം കുടുങ്ങിയതെന്ന് പറയാതെ വയ്യ.

രാജ്യത്ത് കഴിഞ്ഞ 24 മണിക്കൂറിനിടെ 39,742 പേർക്ക് കൊവിഡ് സ്ഥിരീകരിച്ചതിൽ പകുതിയോളം സ്വന്തമാക്കിയവരാണ് നമ്മൾ കേരളക്കാർ

18,531 കേസുകളുള‌ള കേരളമാണ് ഒന്നാമതെന്ന് ആരോഗ്യരംഗത്തെ കണക്കുകൾ പറയുമ്പോൾ നമുക്ക് അഭിമാനിക്കാമല്ലൊ.

സുപ്രീം കോടതി പോലും വിമർശിച്ചതാണ് നമ്മുടെ കോവിഡ് നിയന്ത്രണങ്ങൾ. മത പ്രീണനത്തിനായി പിണറായി പെരുന്നാൾ ഇളവ് പ്രഖ്യാപിച്ചതും. നമ്മുടെ ടി പി ആർ 10 ൽ നിന്ന് 12 ന് മുകളിലെത്തിച്ചും ചെറിയ സാഹസമൊന്നുമല്ലായിരുന്നു.

വാക്സിൻ സ്റ്റോക്കുള്ളപ്പോൾ പോലും പൊതുജനത്തിന് മര്യാദയ്ക്ക് കിട്ടാത്ത കേരളം ത്തിൽ ദാ, ആരോഗ്യ ശ്രീമതി വീണ വീണിടത്ത് കിടന്ന് ഉരുണ്ടു തുടങ്ങി.

ഇന്നു മുതൽ വാക്സിൻ മുടക്കുമത്രെ. കഴിഞ്ഞയാഴ്ച കേന്ദ്രം നൽകിയ അധിക വാക്സിനും തീർത്ത് കഴിഞ്ഞാണ് മന്ത്രി ഒന്ന് നടു നിവർത്തിയത്. പ്രധാനമന്ത്രി നരേന്ദ്ര മോദിയെ കണ്ട് നാലഞ്ച് പ്രൊജക്ടുകൾ ഒപ്പിച്ചെടുക്കാൻ കൂടിയാണ് മുഖ്യൻ ദില്ലിക്ക് വെച്ചു പിടിച്ചത്.

അവിടെച്ചെന്നതും തിരിച്ചൊരു ചോദ്യം..... കേരളത്തിലെ കോവിഡ് വർദ്ധനവ് തന്നെ വിഷയം. ഇത് വല്ലാത്ത കഷ്ടമെന്നാണ് പിണറായിയുടെ അവസ്ഥ. വീണമാരുടെ ഉപദേശമാണ് പിണറായിക്ക് പഥ്യം. ആൾക്ക് വീണയൊരു വീക്ക്നെസാണ്.... അതിനി മകളായാലും മന്ത്രിയായാലും....

12.3% ഉണ്ടായിരുന്ന ടി പി ആർ ദാ, ഒറ്റ രാത്രി കൊണ്ട് താഴെ വന്നു10.59 % ! ഇതൊക്കെയാണ് മാജിക്ക്!
17,466 കേസുണ്ടായിരുന്നത് 11,586 ആയും കുറഞ്ഞു. കഷ്ടപ്പെട്ട് പാടുപെട്ട് ബുദ്ധിമുട്ടി ഇതൊക്കെ കൂട്ടുകയും കുറയ്ക്കുകയും ചെയ്യുന്ന പിണറായിക്കെന്തിനാ വാക്സിനെന്നെങ്ങാനും കേന്ദ്ര സർക്കാർ ചോദിക്കുമോ എന്നാണ് നമ്മൾ ഭയക്കേണ്ടത്.

അതെ, കണക്കുകൾ കൊണ്ട് അമ്മാനമാടുന്ന അത്ഭുത മാന്ത്രികൾ പിണറായി ഒന്നുകിൽ തൻ്റെ മാജിക് രഹസ്യങ്ങൾ വിളിച്ചു പറയേണ്ടി വരും. അല്ലെങ്കിൽ വാക്സിനില്ലാതെ കേരളം മരിക്കും.....
അപ്പോഴും പിണറായി വിജയൻ്റെ നമ്പർ വൺ കേരളം ജൈത്രയാത്ര തുടരുകയായിരിക്കും.