എല്എല്.ബി പാസാകാതെ അഭിഭാഷക ജോലി; സെസി സേവ്യര് മുന്കൂര്ജാമ്യ ഹർജി നല്കി
29 JULY 2021 12:21 AM IST
മലയാളി വാര്ത്ത
യോഗ്യതയില്ലാതെ അഭിഭാഷകയായി ജോലി ചെയ്ത കേസില് പ്രതിയായ ആലപ്പുഴ സ്വദേശിനി സെസി സേവ്യര് (27) ഹൈകോടതിയില് മുന്കൂര് ജാമ്യാപേക്ഷ നല്കി. എല്എല്.ബി പാസാകാത്ത ഇവര് മറ്റൊരാളുടെ റോള് നമ്ബര് നല്കി 2019ല് ആലപ്പുഴ ബാര് അസോസിയേഷനില്നിന്ന് അംഗത്വമെടുത്തിരുന്നു.
അഭിഭാഷകയായി ജോലി ചെയ്തിരുന്ന ഇവര് ബാര് അസോസിയേഷന് തെരഞ്ഞെടുപ്പില് നിര്വാഹക സമിതിയംഗവും പിന്നീട് ലൈബ്രേറിയനുമായി. സെസിയുടെ തട്ടിപ്പ് കണ്ടെത്തിയ ബാര് അസോസിയേഷന് ഇവരെ പുറത്താക്കി പൊലീസില് പരാതി നല്കിയതോടെ ഒളിവില് പോയി.
പിന്നീട് ആലപ്പുഴ സി.ജെ.എം കോടതിയില് കീഴടങ്ങാന് ഇവരെത്തിയെങ്കിലും ജാമ്യമില്ല വകുപ്പുകള് ചുമത്തിയിട്ടുണ്ടെന്ന് കണ്ടെത്തി മുങ്ങി. തുടര്ന്നാണ് ഹൈകോടതിയില് മുന്കൂര് ജാമ്യാപേക്ഷ നല്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
