യുവതി കടപുഴ പാലത്തില്‍ നിന്ന് കല്ലട ആറ്റിലേക്ക് ചാടി ജീവനൊടുക്കിയതിന് പിന്നില്‍ സ്ത്രീധന പീഢനമെന്ന് ബന്ധുക്കള്‍. കിഴക്കേ കല്ലട നിലമേല്‍ സൈജു ഭവനില്‍ സൈജുവിന്‍റെ ഭാര്യ രേവതി കൃഷ്ണ (22) ആണ് മരിച്ചത്. വ്യാഴാഴ്ച രാവിലെ 11 മണിയോടെയാണ് യുവതി പാലത്തില്‍ നിന്ന് ചാടിയത്. കഴിഞ്ഞ ഓഗസ്റ്റ് 30നായിരുന്നു ഇവരുടെ വിവാഹം. അടുത്ത മാസം തന്നെ സൈജു ഗള്‍ഫിലേക്ക് മടങ്ങിയിരുന്നു.

ഭര്‍തൃഗൃഹത്തിലാണ് രേവതി താമസിച്ചിരുന്നത്. മരണത്തിന് പിന്നില്‍ ഭര്‍തൃ വീട്ടുകാരുടെ സ്ത്രീധന പീഢനമാണെന്ന് രേവതിയുടെ ബന്ധുക്കള്‍ പറഞ്ഞു. ആത്മഹത്യക്ക് മുമ്പ് സൈജുവും രേവതിയും തമ്മില്‍ നടന്ന വാട്ട്സ് ആപ്പ് ചാറ്റില്‍ ആത്മഹത്യയെ കുറിച്ച്‌ വ്യക്തമാക്കിയിരുന്നെന്നും ബസുകള്‍.

സൈജുവിന്‍റെ വീട്ടില്‍ നിന്ന് രേവതി എഴുതിയതെന്ന് കരുതുന്ന കടലാസ് കിട്ടിയിട്ടുണ്ടെന്ന് പോലിസ്. എന്നാല്‍ മരണത്തിന് പിന്നില്‍ സ്ത്രിധന പീഢനം ഉണ്ടോ എന്ന് ഇപ്പോള്‍ പറയാനാകില്ലെന്നാണ് പോലിസ് പറയുന്നത്. കൈതക്കോട്, ചെറു പൊയ്ക കുഴി വിളയില്‍ കൃഷ്ണകുമാറിന്‍റെയും ശശികലയുടെയും മകളാണ് രേവതി.