ഇന്ന് നിര്‍ണായക ദിവസം. പിണറായി വിജയന്റെ മകള്‍ വീണയെ ഇന്ന് അറസ്റ്റു ചെയ്ത് ജയിലില്‍ അടയ്ക്കുമോ എന്നറിയാന്‍ മണിക്കൂറുകള്‍ ബാക്കി. എന്‍ഫോഴ്‌സ്‌മെന്റിന്റെ ചോദ്യാവലിയില്‍ നിന്ന് ഒഴിഞ്ഞുമാറാനോ ഉത്തരം കൊടുക്കാതിരിക്കാനോ വീണയ്ക്ക് സാധിക്കില്ല. കൃത്യമായ തെളിവുകളോടെ മുന്നില്‍ വയ്ക്കുന്ന ചോദ്യങ്ങള്‍ക്ക് വീണ മറുപടി നല്‍കിയേ തീരു. വീണയെ അറസ്റ്റ് ചെയ്ത് ജാമ്യത്തില്‍ വിടാനുളള സാഹചര്യം നിലവിലില്ല. ആരോഗ്യപ്രശ്‌നങ്ങള്‍ നിരത്തി കഴിഞ്ഞയാഴ്ചത്തെ ചോദ്യം ചെയ്യലില്‍ നിന്ന് ഒഴിഞ്ഞുമാറിയെങ്കിലും രണ്ടാമത്തെ ചോദ്യം ചെയ്യലില്‍ നിന്ന് രക്ഷപ്പെടുക എളുപ്പമല്ല. വീണ പിണറായി വിജയന്റെ പ്രിയ മകളാണെന്ന പാര്‍ട്ടിയിലെ പരിഗണയൊന്നും ഇഡി കാണിക്കില്ലെന്നിരിക്കെ ചോദ്യം ചെയ്യലില്‍ വീണ വെള്ളം കുടിക്കും.

ഇഡിയുടെ അടുത്ത സമന്‍സിലും വീണ വിജയന്‍ ചോദ്യം ചെയ്യലിന് ഹാജരാകില്ല. ഇന്നോ നാളെയോ ആശുപത്രിയില്‍ അഭയം തേടി ചോദ്യം ചെയ്യലില്‍ നിന്ന് ബുധനാഴ്ചയും വീണ ഇഡിക്കു മുന്നില്‍ ഹാജരാകുന്നില്ലെങ്കില്‍ വീട്ടിലെത്തി വീണയെ അറസ്റ്റ് ചെയ്ത് അടുത്ത നടപടിയിലേക്കു നീങ്ങും. ഇന്നോ നാളെയോ ആശുപത്രിയിലെത്തി അഡ്മിഷന്‍ വാങ്ങാനുള്ള നീക്കം വീണ നടകത്തയാല്‍ ആശുപത്രിയിലേക്ക് ഇഡി കടന്നു ചെല്ലും. മുന്‍മന്ത്രി വീണ ജോര്‍ജ് നടത്തിയ കോഴിക്കോട് നാടകം പോലെ വെറുതെ അത്യാഹിത വിഭാഗത്തില്‍ കിടക്കാമെന്നോ നഴ്‌സുമാര്‍ക്കൊപ്പം സെല്‍ഫി എടുക്കാമെന്നോ ഒന്നും കരുതേണ്ടതില്ല.
ഒരു ദിവസം അവധി അനുവദിച്ചാലും മറ്റൊരു ദിവസം നേരിട്ട് ഹാജരാവണമെന്നാണ് വ്യവസ്ഥ. ചോദ്യം ചെയ്യലിന് ഹാജരായാല്‍ അറസ്റ്റുണ്ടാകുമെന്ന വ്യക്തമാണ്. അറസ്റ്റുണ്ടായാല്‍ വീണക്ക് ജാമ്യം ലഭിക്കാനുള്ള സാധ്യതയും സാഹചര്യവുമില്ല.

സെിഎംആര്‍എല്ലുമായി ബന്ധപ്പെട്ട് 132 കോടിയിലധികം രൂപയുടെ ക്രമക്കേട് നടന്നുവെന്ന കണ്ടെത്തലിലെ കള്ളപ്പണ ഇടപാടുകളാണ് ഇഡി പ്രധാനമായും പരിശോധിക്കുന്നത്. 2016 മുതല്‍ 2021 വരെയുള്ള കാലയളവില്‍ എക്‌സാലോജിക് കമ്പനിക്ക് ലഭിച്ച 2.78 കോടി രൂപയും, എംപവര്‍ ഇന്ത്യയില്‍ നിന്ന് ലഭിച്ച 50 ലക്ഷം രൂപയുടെ വായ്പയുമാണ് അന്വേഷണ പരിധിയിലുള്ളത്. നേരത്തെ നടത്തിയ റെയ്ഡുകളില്‍ പിടിച്ചെടുത്ത ഡിജിറ്റല്‍ രേഖകളും സാമ്പത്തിക വിവരങ്ങളും അടിസ്ഥാനമാക്കിയായിരിക്കും ചോദ്യം ചെയ്യല്‍. തെളിവുകള്‍ നിരത്തി ഇഡി ചോദ്യം ചെയ്യുമ്പോള്‍ വീണയ്ക്ക് നല്‍കാന്‍ ്വ്യക്തമായ മറുപടി ഒന്നും തന്നെയില്ല. കരിമണല്‍ കര്‍ത്തായുടെ മാസപ്പടി എങ്ങനെ വിനിയോഗിച്ചു എന്നതടക്കം ഒട്ടേറെ രേഖകള്‍ ഇഡിയുടെ കൈവശമുണ്ട്.

വ്യക്തമായ കാരണങ്ങള്‍ രേഖാമൂലമോ അഭിഭാഷകന്‍ വഴിയോ അറിയിച്ച് ഹാജരാകല്‍ നീട്ടി വയ്പ്പിക്കാമെന്നിരിക്കെ വീണ അത്തരത്തില്‍ നീക്കം നടത്താം. നിയമപ്രകാരം
മൂന്നു തവണ വരെ ഇങ്ങനെ ചെയ്യാം. മൂന്നു സമന്‍സിലും ഹാജരായില്ലെങ്കില്‍ വ്യക്തി ഉള്ളിടത്തെത്തി ചോദ്യം ചെയ്യാന്‍ ഇ.ഡിക്ക് അധികാരമുണ്ട്. കസ്റ്റഡിയിലെടുത്തും ചോദ്യം ചെയ്യാം. അറസ്റ്റ് തടയണമെന്നോ മുന്‍കൂര്‍ ജാമ്യം അനുവദിക്കണമെന്നോ ആവശ്യപ്പെട്ട് കോടതിയെ സമീപിക്കാനും വീണയ്ക്ക് കഴിയും. എന്നാല്‍ കള്ളപ്പണം വെളുപ്പില്‍ നിരോധന നിയമത്തിലെ കര്‍ശന വ്യവസ്ഥകള്‍ മൂലം മുന്‍കൂര്‍ ജാമ്യം ലഭിക്കുക എളുപ്പമല്ല.

മുന്‍ മുഖ്യമന്ത്രി പിണറായി വിജയന്റെ മകള്‍ വീണാ തൈക്കണ്ടിയുമായി ബന്ധപ്പെട്ട സിഎംആര്‍എല്‍-എക്സാലോജിക് മാസപ്പടി കേസില്‍ പരമാവധി തെളിവുകള്‍ ശേഖരിച്ചു കഴിഞ്ഞിരിക്കുന്നു എന്‍ഫോഴ്സമെന്റ് ഡയറക്ടറേറ്റ്. ഏറെ രാഷ്ട്രീയ പ്രാധാന്യം കൂടിയുള്ള കേസില്‍ ഏതെങ്കിലും രീതിയില്‍ പാളിച്ചയുണ്ടാകാതിരിക്കാനാണ് ഇഡി ശ്രമിക്കുന്നത്. കേസ് റദ്ദാക്കണമെന്നാവശ്യപ്പെട്ട് സി എം ആര്‍ എല്‍ എംഡി ശശിധരന്‍ കര്‍ത്ത അടക്കമുള്ളവര്‍ നല്‍കിയ അപ്പീല്‍ ഹൈക്കോടതി ഡിവിഷന്‍ ബഞ്ചും തള്ളിയ സാഹചര്യത്തില്‍ ഇഡി കര്‍ക്കശമായ നടപടികളിലേക്കാണ് നീങ്ങുന്നത്. പിണറായി വിജയന്‍ മുഖ്യമന്ത്രിയായിരുന്ന കാലയളവില്‍, 2016 മുതല്‍ 2020, 21 വരെ മകള്‍ വീണയുടെ എക്സാലോജിക് കമ്പനി, സിഎംആര്‍ എല്ലില്‍ നിന്ന് സേവനമൊന്നുമില്ലാതെ, രണ്ട് കോടി എഴുപത്തിഎട്ട് ലക്ഷം രൂപ വാങ്ങിയതിലെ അനധികൃത ഇടപാടാണ് ഇഡി അന്വേഷിക്കുന്നത്.

കരിമണല്‍ കമ്പനിയുമായി വീണയും എക്സാലോജിക്കുമുണ്ടാക്കിയ കരാര്‍ പകര്‍പ്പും, വീണയുമായി നടത്തിയ സാമ്പത്തിക ഇടപാട് രേഖകളും ഇ ഡിയുടെ കൈവശമുണ്ട്. മുന്‍പ് എന്‍ഫോഴ്സ്മെന്റ് ഡയറക്ടറേറ്റ് നടത്തിയ പ്രാഥമിക പരിശോധനകളിലും ചോദ്യം ചെയ്യലിലും വീണ നല്‍കിയ മൊഴികളും നിലവില്‍ ഏജന്‍സി കണ്ടെടുത്ത ശാസ്ത്രീയ തെളിവുകളും ബാങ്ക് അക്കൗണ്ട് വിവരങ്ങളും തമ്മില്‍ നിരവധി പൊരുത്തക്കേടുകളാണ് ഉള്ളത്.

2016 ഡിസംബര്‍ 30 ന് സി എം ആര്‍ എല്ലുമായി വീണ ഉണ്ടാക്കിയ കരാറിന്റെ പകര്‍പ്പ്, 2017 മാര്‍ച്ച് രണ്ടിന് എക്സാലോജിക്കും കരിമണല്‍ കമ്പനിയുമായി ഉണ്ടാക്കിയ കരാര്‍, എക്സാലോജിക് നല്‍കിയ സേവനങ്ങളുടെ വിശദാംശങ്ങള്‍, എംപവര്‍ ഇന്ത്യ ക്യാപിറ്റല്‍ കമ്പനിയുടെ ലോണ്‍ വിശദാംശങ്ങള്‍, വീണയുമായി കമ്പനി നടത്തിയ ലോണ്‍ ഇടപാട് രേഖകള്‍ അടക്കം മുഴുവന്‍ സാമ്പത്തിക ഇടപാട് രേകകളും ഇ ഡിയുടെ പക്കലുണ്ട്. വീണയെ ചോദ്യം ചെയ്യുന്നതിനായി വിശദമായ ചോദ്യാവലി എന്‍ഫോഴ്സ്മെന്റ് ഡയറക്ടറേറ്റ് തയാറാക്കിയിട്ടുണ്ട്. സിഎംആര്‍എല്‍ - എക്സാലോജിക് ഇടപാടിലൂടെ ടി. വീണയ്ക്ക് ലഭിച്ച 1.72 കോടി രൂപ എങ്ങനെ വിനിയോഗിച്ചു എന്നതാണ് ഇഡി പ്രധാനമായും ചോദിച്ചറിയുക. ഇതിന് ഉത്തരം കൊടുക്കാനാകുന്നില്ലെങ്കില്‍ വീണയെ അന്നു തന്നെ അറസ്റ്റു ചെയ്യും.