ക്ഷേത്രത്തില് എത്തുന്ന സ്ത്രീകളെ ലഹരി ഉപയോഗിച്ചശേഷം ഉപദ്രവിക്കും! രാത്രിയില് സ്ത്രീകളുള്ള വീടുകളില് കടന്നുകയറി അവരെ ഉപദ്രവിക്കുകയും, കുളിക്കുന്ന സമയം എത്തിനോക്കും, ദൃശ്യങ്ങളും പകർത്തും: ആര്യനാടിൽ പെണ്കുട്ടികളുടെ പേടിസ്വപ്നമായ യുവാവിനെ പോലീസ് പിടികൂടി
ആര്യനാട് കുളപ്പട ഉഴമലക്കല് മേഖലകളിലെ സ്ത്രീകളുടെയും പെണ്കുട്ടികളുടെയും പേടിസ്വപ്നമായി മാറിക്കൊണ്ടിരുന്ന യുവാവിനെ ആര്യനാട് പൊലീസ് പിടികൂടി. ഉഴമലക്കല് കുളപ്പട ആശാരിക്കോണം റോഡരികത്ത് വീട്ടില് സുബീഷാണ് (22) അറസ്റ്റിലായത്. രാത്രിയില് സ്ത്രീകളുള്ള വീടുകളില് കടന്നുകയറി അവരെ ഉപദ്രവിക്കുകയും, കുളിക്കുന്ന സമയം എത്തിനോക്കുകയും, ദൃശ്യങ്ങൾ എടുക്കുന്നതുമാണ് ഇയാളുടെ പതിവ് രീതി.
പെൺകുട്ടികളുടെയും യുവതികളുടെയും പേടിസ്വപ്നമായ ഇയാളെ കൊണ്ട് പൊറുതിമുട്ടി ഇരിക്കുകയായിരുന്നു. നിരവധി സ്ത്രീകളാണ് ഇയാൾക്കെതിരെ പോലീസിൽ പരാതിയും നൽകിയത്. കുളപ്പടയിലെ ക്ഷേത്രത്തില് എത്തുന്ന സ്ത്രീകളെ ഇയാള് ലഹരി ഉപയോഗിച്ചശേഷം ഉപദ്രവിക്കുന്നത് പതിവായിരുന്നുവെന്ന് ക്ഷേത്ര ഭാരവാഹികള് ആര്യനാട് പൊലീസില് പരാതി നല്കിയിരുന്നു.
കുളപ്പട റസിഡന്റ്സ് അസോസിയേഷനിലെ നിരവധി സ്ത്രീകള് ഒപ്പിട്ട പരാതിയാണ് പൊലീസിന് നല്കിയത്. ഇതില്ത്തന്നെ പലകേസുകളും പൊലീസ് നേരത്തെ രജിസ്റ്റര് ചെയ്തിട്ടുണ്ട്.
കഞ്ചാവ് ഉപയോഗിക്കുന്നത് വിലക്കിയതിലുള്ള വിരോധം കാരണം ഗൃഹസ്ഥനെയും മകളേയും ആക്രമിച്ച് പരിക്കേല്പിച്ച കേസില് ഇയാളെ പൊലീസ് അന്വേഷിക്കുകയായിരുന്നു. ആര്യനാട് ഇന്സ്പെക്ടര് ജോസും, സബ് ഇന്സ്പെക്ടര് ശ്രീലാല് ചന്ദ്രശേഖരനും ഉള്പ്പെട്ട സംഘമാണ് പ്രതിയെ പിടികൂടിയത്.
https://www.facebook.com/Malayalivartha