കല്ലായിയില്‍ റെയില്‍പാളത്തില്‍ സ്‌ഫോടക വസ്തു കണ്ടെത്തിയത് പരിഭ്രാന്തി പരത്തി. സ്ഥലത്ത് പോലീസും ബോംബ് സ്‌ക്വാഡും ഡോഗ് സ്‌ക്വാഡും പരിശോധന നടത്തുകയാണ്.

സിറ്റി പോലീസ് കമ്മീഷണര്‍ എ.വി.ജോര്‍ജിന്റെ നേതൃത്വത്തിലുള്ള ഉന്നതപോലീസ് സംഘം സ്ഥലത്തെത്തിയിട്ടുണ്ട്. ഇന്ന് രാവിലെയാണ് ഫുട്‌ബോള്‍ തോലിനുള്ളില്‍ സ്‌ഫോടക വസ്തു നിറച്ച രീതിയില്‍ റെയില്‍പാളത്തില്‍ കണ്ടെത്തിയത്.

ഉടന്‍ സ്ഥലത്ത് പോലീസ് എത്തുകയായിരുന്നു. സമീപത്തെ വീടിന്റെ പരിസരത്ത് പോലീസ് പരിശോധന നടത്തി. പുരയിടത്തില്‍ ഡോഗ് സ്‌ക്വാഡ് വിശദമായ പരിശോധന നടത്തുന്നുണ്ട്.

റെയില്‍പാളത്തിന് സമീപത്തെ വീട്ടില്‍ അടുത്തിടെ വിവാഹം നടന്നിരുന്നു. അന്ന് പടക്കങ്ങള്‍ ഉള്‍പ്പടെ ഇവിടെ പൊട്ടിച്ചിരുന്നുവെന്ന് വ്യക്തമായിട്ടുണ്ട്. ഇതിന്റെ അവശിഷ്ടങ്ങള്‍ ആരെങ്കിലും പാളത്തിലെടുത്തിട്ടതാണോ എന്നും സംശയമുണ്ട്.