കഞ്ചാവ് വാങ്ങാൻ പണമില്ല! പണം കണ്ടെത്താൻ പത്തൊൻപത്കാരന് ലോറി ഡ്രൈവറെ ക്രൂരമായി കുത്തികൊലപ്പെടുത്തി: കഴിഞ്ഞ ആഴ്ച് ആയൂരില്‍ ലോറി ഡ്രൈവറായ അജയന്‍പിളള കുത്തേറ്റ് മരിച്ച കേസിൽ ഒരാൾ അറസ്റ്റിലായി: നാല് പ്രതികള്‍ക്കയി തിരച്ചില്‍ തുടരുന്നു
ആയൂരില്‍ ലോറി ഡ്രൈവറായ അജയന്‍പിളള കുത്തേറ്റ് മരിച്ച കേസില്‍ ഒരാളെ പോലീസ് അറസ്റ്റ് ചെയ്തു. പത്തൊൻപത്കാരനായ ഇത്തിക്കര സ്വദേശി സുധിനാണ് അറസ്റ്റിലായത്. ലഹരി മരുന്ന് വാങ്ങാനുളള പണം കണ്ടെത്താനാണ് ലോറി ഡ്രൈവറെ പ്രതി കൊലപ്പെടുത്തിയത്.
അതേസമയം, സംഘത്തില്‍ നാലു പേര്‍ കൂടി ഉണ്ടെന്നും, ഇവര്‍ക്കായി തിരച്ചില്‍ ഊർജിതമാക്കിയെന്നും പോലീസ് വ്യക്തമാക്കി. ആയൂര്‍-അഞ്ചല്‍ റോഡില്‍ ജവാഹര്‍ ജംക്‌ഷനും കാട്ടുവമുക്കിനും മധ്യേ കളപ്പില വളവില്‍ കഴിഞ്ഞ 22 ന് പുലര്‍ച്ചെയാണ് കേസിനാസ്പദമായ സംഭവം നടന്നത്.
സിസിടിവി ദ്യശ്യങ്ങള്‍ കേന്ദ്രീകരിച്ച്‌ പോലീസ് നടത്തിയ അന്വേഷണത്തിലാണ് പ്രതി പിടിയിലായത്. അതേസമയം അജയന്‍പിളളയെ ആക്രമിച്ച വിവരം പൊലീസില്‍ അറിയിച്ച ലോറി ഡ്രൈവര്‍ കുളത്തൂപ്പുഴ നെല്ലിമൂട് സ്വദേശി ഷിബിനെയും സംഘം ആക്രമിച്ചതായി പൊലീസിന് വിവരം ലഭിച്ചു. കൊലപാതകത്തിന് ശേഷം സംഘം ഇദ്ദേഹത്തിന്റെ കാല്‍ തല്ലിയൊടിച്ചെന്നാണ് അന്വേഷണത്തില്‍ കണ്ടെത്തിയത്.
https://www.facebook.com/Malayalivartha
