ടി.പി.ആര് കണക്കാക്കിയുള്ള ലോക്ഡൗണ് നിയന്ത്രണങ്ങള് അവസാനിപ്പിക്കണം; എല്ലാ ദിവസവും കടകള് തുറക്കാന് അനുവദിക്കണം; ലോക്ഡൗണ് നിയന്ത്രണങ്ങള് പുനഃപരിശോധിക്കാന് സര്ക്കാറിന് നിര്ദേശം നല്കണമെന്നാവശ്യപ്പെട്ട് വ്യാപാരികള് ഹൈകോടതിൽ
എല്ലാ ദിവസവും കടകള് തുറക്കാന് അനുവദിക്കണമെന്ന് ആവശ്യപ്പെട്ട് വ്യാപാരികള് ഹൈകോടതിയെ സമീപിച്ചു. വ്യാപാരി വ്യവസായി ഏകോപന സമിതിയാണ് ഹൈകോടതിയില് ഹരജി നല്കിയത്. ടി.പി.ആര് കണക്കാക്കിയുള്ള ലോക്ഡൗണ് നിയന്ത്രണങ്ങള് അവസാനിപ്പിക്കണമെന്നാണ് വ്യാപാരികളുടെ പ്രധാന ആവശ്യങ്ങളിലൊന്ന്.
ലോക്ഡൗണ് നിയന്ത്രണങ്ങള് പുനഃപരിശോധിക്കാന് സര്ക്കാറിന് നിര്ദേശം നല്കണമെന്നും വ്യാപാരികള് ആവശ്യപ്പെടുന്നു. നേരത്തെ ആഗസ്റ്റ് ഒമ്ബത് മുതല് കടകള് തുറക്കുമെന്ന് വ്യാപാരികള് അറിയിച്ചിരുന്നു. സര്ക്കാര് വാഗ്ദാനത്തില് നിന്ന് പിന്മാറിയെന്ന് ആരോപിച്ചായിരുന്നു വ്യാപാരികളുടെ പ്രഖ്യാപനം.
നിയന്ത്രണങ്ങള് നിലവിലുണ്ടെങ്കിലും കടകള് തുറക്കുമെന്ന നിലപാടില് നിന്ന് പിന്നാക്കം പോകില്ലെന്നും വ്യാപാരികള് അറിയിച്ചിരുന്നു. കടകള് തുറക്കുന്നതിന് മുന്നോടിയായി ആഗസ്റ്റ് ആദ്യവാരം സമരം സംഘടിപ്പിക്കുമെന്നും വ്യാപാരികള് അറിയിച്ചിരുന്നു.
https://www.facebook.com/Malayalivartha
