നിയമസഭാ കൈയാങ്കളിക്കേസ്; സ്പെഷല് പബ്ലിക് പ്രോസിക്യൂട്ടറെ നിയമിക്കണമെന്നാവശ്യപ്പെട്ട് മുഖ്യമന്ത്രിക്ക് കത്ത് നല്കി രമേശ് ചെന്നിത്തല
നിയമസഭാ കൈയാങ്കളിക്കേസില് സ്വതന്ത്രവും നീതിപൂര്വകവുമായ വിചാരണ ഉറപ്പാക്കുന്നതിന് വേണ്ടി കേസ് നടത്തിപ്പിന് സ്പെഷല് പബ്ലിക് പ്രോസിക്യൂട്ടറെ നിയമിക്കണമെന്നാവശ്യപ്പെട്ട് മുന് പ്രതിപക്ഷ നേതാവ് രമേശ് ചെന്നിത്തല മുഖ്യമന്ത്രിക്ക് കത്ത് നല്കി.
സൗമ്യാ വധം, ചലച്ചിത്ര നടിക്ക് എതിരായ അതിക്രമം തുടങ്ങിയ കോളിളക്കമുണ്ടാക്കിയ കേസുകളില് സ്പെഷല് പബ്ലിക് പ്രോസിക്യൂട്ടറായിരുന്ന അഡ്വ.സുരേശനെ നിയമസഭാ കൈയാങ്കളിക്കേസില് സ്പെഷല് പ്രോസിക്യൂട്ടറായി നിയോഗിക്കണമെന്നും ചെന്നിത്തല കത്തില് നിര്ദേശിച്ചു. നീതി നിര്വഹണത്തിനുള്ള ഭരണഘടനാപരമായ ബാധ്യത നിറവേറ്റാതെ കേസ് പിന്വലിക്കാനുള്ള സര്ക്കാര് നീക്കത്തിന് കൂട്ടുനിന്ന അതേ പ്രോസിക്യൂട്ടറോ സര്ക്കാര് സര്വീസിലുള്ള മറ്റേതെങ്കിലും അഭിഭാഷകനോ കേസ് വാദിച്ചാല് അത് പ്രഹസനമായി മാറുകയും കേസ് അട്ടിമറിക്കപ്പെടുകയും ചെയ്യുമെന്ന് ചെന്നിത്തല കത്തില് ചൂണ്ടിക്കാട്ടി.
https://www.facebook.com/Malayalivartha