പത്ത് ലക്ഷം രൂപ വിലമതിക്കുന്ന മയക്കുമരുന്നുമായി യുവതി ഉള്പ്പടെ മൂന്ന് പേര് പിടിയില്
പത്ത് ലക്ഷം രൂപ വിലമതിക്കുന്ന മയക്കുമരുന്നുമായി യുവതി ഉള്പ്പടെ മൂന്ന് പേര് എക്സൈസ് പിടിയില്. കാട്ടിക്കുളം ബാവലി റോഡില് വെച്ച് എക്സൈസ് നടത്തിയനടത്തിയ വാഹന പരിശോധനക്കിടെ മാരുതി സ്വിഫ്റ്റ് ഡിസയര് കാറില് കടത്തിക്കാണ്ടു വന്ന നൂറ് ഗ്രാം അതിമാരക മയക്കുമരുന്നായ എംഡിഎംഎയുമായി യുവതിയെയും രണ്ടു യുവാക്കളും പിടിയിലായത്. മാനന്തവാടി എക്സൈസ് റെയിഞ്ച് പാര്ട്ടി എക്സൈസ് ഇന്സ്പെക്ടര് പി.ജി രാധാകൃഷ്ണന്റെ നേതൃത്വത്തിലായിരുന്നു പരിശോധന നടന്നത്.
തിരുവനന്തപുരം സ്വദേശികളായ അമൃതം വീട്ടില് മനോജ് കുമാര് മകന് യദുകൃഷ്ണന് എം(25), പൂന്തുറ പടിഞ്ഞാറ്റില് വീട്ടില് സുരേഷ്കുമാര് മകള് ശ്രുതി എസ് എന്(25), കോഴിക്കോട് സ്വദേശിയായ മേരിക്കുന്ന് കുനിയിടത്ത് താഴം ഭാഗത്ത് നൗഫത്ത് മഹല് യൂസഫ് മകന് നൗഷാദ് പിടി(40) എന്നിവരാണ് അറസ്റ്റിലായത്. കണ്ടെടുത്ത അതിമാരക മയക്കുമരുന്നായ എംഡിഎംഎമ്മിന് വിപണിയില് പത്ത് ലക്ഷം രൂപ വരെ വിലമതിക്കുന്നതാണെന്നും അതിനൂതന ലഹരി മരുന്നായ ഇവയെ പാര്ട്ടി ഡ്രഗ്സ് എന്ന പേരിലുംഅറിയപ്പെടുന്നുവെന്നും എക്സൈസ് ഉദ്യോഗസ്ഥര് പറഞ്ഞു.
https://www.facebook.com/Malayalivartha
