സല്യൂട്ട് ബിഗ് സല്യൂട്ടായി... തെരഞ്ഞെടുപ്പ് കാലത്ത് ഗര്ഭിണിയായ യുവതിയുടെ വയറില് തലോടിയ സുരേഷ് ഗോപി വര്ഷങ്ങള്ക്ക് ശേഷം ആ കുഞ്ഞിനെ നേരിട്ട് കണ്ടു; കൗതുകമുളള പോസ്റ്റിലും സുരേഷ് ഗോപിയ്ക്ക് നേരെ ട്രോള് പെരുമഴ
ഒല്ലൂരില് ആദിവാസി ഊര് സന്ദര്ശനത്തിനിടെ പോലീസ് ഉദ്യോഗസ്ഥനോട് സല്യൂട്ടിനെ കുറിച്ച് സുരേഷ്ഗോപി സംസാരിച്ചത് ഏറെ വിവാദമായിരുന്നു. ഈ സാഹചര്യത്തില് അതുമായി ചേര്ത്ത് കൗതുകമുണര്ത്തുന്ന പോസ്റ്റിലും ട്രോളോട് ട്രോളാണ്.
തെരഞ്ഞെടുപ്പ് പ്രചാരണ സമയത്ത് ഗര്ഭിണിയായ യുവതിയുടെ വയറില് തലോടിയ സുരേഷ് ഗോപി എം.പിയുടെ ചിത്രം മുന്പ് വൈറലായിരുന്നു. അന്ന് അതിനെതിരെയും അനുകൂലിച്ചും ധാരാളം പ്രതികരണങ്ങളുണ്ടായി. ഇന്ന് അതേ യുവതി കുഞ്ഞുമായി താരത്തിനെ നോക്കി നില്ക്കുന്ന ചിത്രത്തിന് നേരെയും വ്യാപക ട്രോളാണ്.
ഗുഡ്വില് എേന്റര്ടെയ്ന്മെന്റ്സിന്റെ ഫേസ്ബുക്ക് പേജിലെ പോസ്റ്റിലാണ് സുരേഷ് ഗോപിയുടെ ചിത്രങ്ങള് പ്രത്യക്ഷപ്പെട്ടതും ട്രോള് ഒഴുകിയതും. 'ഇവിടേക്ക് വരാന് ബസ് കാത്ത് നില്ക്കുമ്പോഴാണ് പൊലീസുകാരനെ വിളിച്ച് സല്യൂട്ട് അടിപ്പിച്ചത്', 'ഒന്ന് സല്യൂട്ട് ചെയ്തേക്ക്', എന്നും 'സല്യൂട്ട് വേണോ?' എന്നെല്ലാം കമന്റുകളായി വരുന്നുണ്ട്. എന്നാല് അതോടൊപ്പം താരത്തെ അനുകൂലിച്ചും നിരവധി കമന്റുകളുണ്ട്. സുരേഷ് ഗോപി നല്ലൊരു മനുഷ്യനാണെന്നും മറ്റ് നല്ല വാക്കുകളും ആരാധകര് കമന്റ് ചെയ്തിട്ടുണ്ട്.
അതേസമയം സല്യൂട്ട് ഏറെ ചര്ച്ചയാകുകയാണ്. ആന്തരികമായ ബഹുമാനത്തിന്റെ ബാഹ്യമായ പ്രകടനം എന്നാണ് സല്യൂട്ട് എന്ന പദത്തിന്റെ അര്ത്ഥം. ഒല്ലൂരില് ആദിവാസി ഊര് സന്ദര്ശനത്തിനെത്തിയ സുരേഷ് ഗോപി എംപിയെ എസ്ഐ സല്യൂട്ട് ചെയ്യാതിരുന്നത് വിവാദമായതോടെയാണ് പലരും അര്ത്ഥം തേടി പോയത്. തന്നെ കണ്ടിട്ടും ജീപ്പില് നിന്ന് ഇറങ്ങാതിരുന്ന എസ്ഐയെ വിളിച്ചുവരുത്തി സല്യൂട്ട് ചെയ്യിക്കുകയായിരുന്നു എംപി. താനൊരു എംപിയാണെന്നും സല്യൂട്ട് ആവാമെന്നും സുരേഷ് ഗോപി പറയുന്നതാണ് വീഡിയോയിലുള്ളത്. ഉടന് തന്നെ വാഹനത്തില് നിന്നിറങ്ങി എംപിയെ എസ്ഐ സല്യൂട്ട് ചെയ്യുന്നതും കാണാം.
എന്നാല് സല്യൂട്ട് ചെയ്യിപ്പിച്ചു എന്നു പറയുന്ന പ്രയോഗം തന്നെ തന്റെ പ്രവര്ത്തനങ്ങളെ ഉന്നം വെച്ചുകൊണ്ടുള്ളതാണെന്നാണ് സുരേഷ് ഗോപി വിഷയത്തില് പ്രതികരിച്ചത്. വളരെ മാന്യമായിട്ടാണ് പെരുമാറിയതെന്നും എസ്.ഐയെ 'സര്' എന്നാണ് അഭിസംബോധന ചെയ്തതെന്നും അദ്ദേഹം പറഞ്ഞിരുന്നു.
ഈ സാഹചര്യത്തില് ചര്ച്ചയാവുകയാണ് സല്യൂട്ടിന്റെ വ്യവസ്ഥകള്. പ്രോട്ടോക്കോള് പ്രകാരം പോലീസ് ആര്ക്കെല്ലാമാണ് സല്യൂട്ട് ചെയ്യേണ്ടതെന്നും ജനപ്രതിനിധികള് അക്കൂട്ടത്തില് പെടുമോ എന്നുമെല്ലാം വാദങ്ങള് ഉയരുന്നുണ്ട്. പോലീസ് സ്റ്റാന്ഡിങ് ഓര്ഡര് പ്രകാരം എംപിയെ പോലീസ് സല്യൂട്ട് ചെയ്യേണ്ടതുണ്ടോ? ചോദിച്ചു വാങ്ങേണ്ടതാണോ സല്യൂട്ട്? എന്നിവയും ചര്ച്ചയാകുന്നു.
സല്യൂട്ട് ചോദിച്ചുവാങ്ങേണ്ടതല്ല എന്നാണ് കേരള പൊലീസ് ഓഫിസേഴ്സ് അസോസിയേഷന് സംസ്ഥാന പ്രസിഡന്റ് ആര്. പ്രശാന്ത് പറയുന്നത്.
സല്യൂട്ടിനെ സംബന്ധിച്ച് പോലീസിന് കൃത്യമായ നിര്ദേശങ്ങള് സര്ക്കുലര് മുഖാന്തരം നല്കിയിട്ടുണ്ട്. അതില് പ്രതിപാദിക്കുന്നവരെ പോലീസ് കൃത്യമായും സല്യൂട്ട് ചെയ്തിരിക്കണം. എന്നാല് അതു ചോദിച്ചു വാങ്ങേണ്ടതുമല്ല. അര്ഹതപ്പെട്ടവര്ക്ക് സല്യൂട്ട് ചെയ്തിരിക്കണം. പോലീസ് സ്റ്റാന്ഡിങ് ഓര്ഡര് പ്രകാരം എംപി, എംഎല്എ ഒന്നും അതില്പെടുന്നില്ല എന്നാണ് മനസ്സിലാകുന്നത്. ജനപ്രതിനിധി എന്ന നിലയില് തീര്ച്ചയായും ബഹുമാനിക്കപ്പെടേണ്ടവര് തന്നെയാണ് എംപിമാരും എംഎല്എമാരും എന്നതില് തര്ക്കമില്ല.
സല്യൂട്ട് എന്നത് ഒരാചാരത്തിന്റെ ഭാഗമാണെങ്കില്പ്പോലും അത് വിവക്ഷിച്ചിട്ടുള്ളവര്ക്ക് മാത്രമേ നല്കാനാവൂ. ഒരു എംപിയെ കാണുമ്പോള് ആദരിക്കുന്നതില് യാതൊരു തെറ്റുമില്ല. പക്ഷേ സല്യൂട്ട് മാത്രമല്ല ബഹുമാനത്തിന്റെ സൂചകം. ഒരാളെ കാണുമ്പോള് എഴുന്നേറ്റു നില്ക്കുന്നതും വണങ്ങുന്നതുമൊക്കെ ആദരവിന്റെ സൂചകങ്ങളാണ്. അതില് എംപിയെന്നോ എംഎല്എ എന്നോ പഞ്ചായത്ത് മെമ്പര് എന്നോ ഉള്ള വ്യത്യാസങ്ങളില്ല. ആരെയും ചെറുതാക്കി കാണുകയല്ല എന്നും വ്യക്തമാക്കുന്നു.
"
https://www.facebook.com/Malayalivartha