കോളേജുകള് തുറക്കുന്നു..... സംസ്ഥാനത്തെ പ്രൊഫഷണല് കോളേജുകള് ഉള്പ്പെടെയുള്ള എല്ലാ ഉന്നതവിദ്യാഭ്യാസ സ്ഥാപനങ്ങളും ഒക്ടോബര് നാലിന് തുറക്കുന്നു...
സംസ്ഥാനത്തെ പ്രൊഫഷണല് കോളേജുകള് ഉള്പ്പെടെയുള്ള എല്ലാ ഉന്നതവിദ്യാഭ്യാസ സ്ഥാപനങ്ങളും ഒക്ടോബര് നാലിന് തുറക്കുന്നു. ഇതുസംബന്ധിച്ച് സര്ക്കാര് ഉത്തരവ് പുറപ്പെടുവിപ്പിച്ചു.
അവസാന വര്ഷ ബിരുദ ക്ലാസുകള്(5/6 സെമസ്റ്റര്), ബിരുദാനന്തര ബിരുദ ക്ലാസുകള്(3/4 സെമസ്റ്റര്) എന്നിവ ആരംഭിക്കാം.
ബിരുദാനന്തര ബിരുദ ക്ലാസുകള് മുഴുവന് വിദ്യാര്ഥികളെയും ഉള്കൊള്ളിച്ചുകൊണ്ട് നടത്താവുന്നതും ബിരുദ ക്ലാസുകള് ആവശ്യമെങ്കില് 50 ശതമാനം വിദ്യാര്ഥികളെ ഒരു ബാച്ച് ആയി പരിഗണിച്ച് ഇടവിട്ടുള്ള ദിവസങ്ങളിലോ ആവശ്യത്തിന് സ്ഥലം ലഭ്യമായ ഇടങ്ങളില് പ്രത്യേക ബാച്ചുകളായി ദിവസേനയോ നടത്താവുന്നതാണെന്നും ഉന്നതവിദ്യാഭ്യാസ വകുപ്പ് ഉത്തരവില് വ്യക്തമാക്കുന്നുണ്ട്.
സയന്സ് വിഷയങ്ങളില് പ്രാക്ടിക്കല് ക്ളാസ്സുകള്ക്ക് പ്രാധാന്യം നല്കാവുന്നതാണെന്നും ഉന്നത വിദ്യാഭ്യാസ സ്ഥാപനങ്ങള് തുറന്നു പ്രവര്ത്തിക്കുന്നതിന്റെ ഭാഗമായി ക്ലാസ് റൂമുകളും ലൈബ്രറി, ലബോറട്ടറി തുടങ്ങിയവയും സമ്പൂര്ണമായി അണുവിമുക്തമാക്കുന്നതിന് തദ്ദേശസ്വയംഭരണ സ്ഥാപനങ്ങളുടെയും ആരോഗ്യ പ്രവര്ത്തകരുടെയും സന്നദ്ധ സംഘടനകളുടെയും സഹായം തേടേണ്ടതാണെന്നും ഉത്തരവില് പറയുന്നു.
അതേസമയം കോവിഡ് മാനദണ്ഡങ്ങള് കൃത്യമായും പാലിക്കേണ്ടതാണ്. മാസ്ക്കുകളും സാനിറ്റൈസറുകളും ഉപയോഗിക്കുക. അകലം പാലിക്കുക തുടങ്ങിയ കാര്യങ്ങള് വിദ്യാര്ത്ഥികള് ശ്രദ്ധിക്കേണ്ടതാണ്. കരുതലാണ് ആവശ്യമായുള്ളത്.
"
https://www.facebook.com/Malayalivartha
