പ്ലസ് വണ് പരീക്ഷ ഓഫ് ലൈനായി നടത്താല് സുപ്രീം കോടതി അനുമതി നല്കിയതോടെ പരീക്ഷകള് അടുത്ത ആഴ്ച തുടങ്ങും... ഇന്ന് മുഖ്യമന്ത്രിയുമായി ചര്ച്ച ചെയ്തിനു ശേഷം തീയതി സംബന്ധിച്ച് തീരുമാനമെടുക്കുമെന്ന് സൂചന
പ്ലസ് വണ് പരീക്ഷ ഓഫ് ലൈനായി നടത്താല് സുപ്രീം കോടതി അനുമതി നല്കിയതോടെ പരീക്ഷകള് അടുത്ത ആഴ്ച തുടങ്ങും. ഇന്നു മുഖ്യമന്ത്രിയുമായി ചര്ച്ച ചെയ്തിനു ശേഷം തീയതി സംബന്ധിച്ച് തീരുമാനമെടുക്കുമെന്ന് സൂചനകള്.
അടുത്ത ബുധനാഴ്ചയോ വ്യാഴാഴ്ചയോ പരീക്ഷ തുടങ്ങിയേക്കും. 10 ദിവസത്തിനകം പരീക്ഷ പൂര്ത്തിയാക്കാനാണ് വിദ്യാഭ്യാസ വകുപ്പിന്റെ ശ്രമം.
കോവിഡ് മാനദണ്ഡങ്ങള് പാലിച്ച് പ്ലസ് വണ് പരീക്ഷ ഓഫ്ലൈനായി നടത്താന് സുപ്രീം കോടതി ഇന്നലെ വെള്ളിയാഴ്ച അനുമതി നല്കിയിരുന്നു.
ഇതോടെ വിദ്യാഭ്യാസമന്ത്രി വി ശിവന്കുട്ടി ഇന്നലെ വൈകിട്ടു തന്നെ ഉന്നതോദ്യോഗസ്ഥരുമായി ചര്ച്ച തുടങ്ങി. കോവിഡ് രൂക്ഷമായി തുടരുന്ന സാഹചര്യത്തിലാണ് സംസ്ഥാനത്ത് നീറ്റ് പരീക്ഷ വിജയകരമായി നടത്തിയതെന്ന് സര്ക്കാര് സുപ്രീം കോടതിയെ അറിയിച്ചു.
പരീക്ഷയെഴുതാന് എത്തുന്ന ഒരു വിദ്യാര്ത്ഥിക്ക് പോലും രോഗബാധ ഉണ്ടാകാത്ത തരത്തില് ക്രമീകരണങ്ങള് നടത്തിയിട്ടുണ്ടെന്ന് സംസ്ഥാന സര്ക്കാര് കോടതിയില് സത്യവാങ്മൂലത്തിലൂടെ അറിയിച്ചിരുന്നു.
പരീക്ഷാ നടത്തിപ്പുമായി ബന്ധപ്പെട്ടു സംസ്ഥാന സര്ക്കാര് നല്കിയ സത്യവാങ്മൂലം തൃപ്തികരമാണെന്നും പരീക്ഷ നടത്തരുതെന്ന ഹര്ജി തള്ളുകയാണെന്നും ജസ്റ്റിസ് എം.എം. ഖാന്വില്ക്കര് അധ്യക്ഷനായ ബെഞ്ച് വ്യക്തമാക്കി.
"
https://www.facebook.com/Malayalivartha
