ഇന്ന് ലോകമുളദിനം; സ്കൂൾ പഠനകാലത്ത് സംഘടനാ പ്രവർത്തനത്തിന്റെ ഭാഗമായി ഇതുപോലൊരു സമ്മേളനകാലയളവിൽ കൊടിനാട്ടുവാനുള്ള മുളങ്കമ്പുകൾ തേടി ആറ്റിനരികത്തേക്ക് പോയത് ഇന്നും മനസിൽ മായാതെ നിൽക്കുന്നൊരോർമ്മയാണ് ; വീട്ടിലെ പ്ലാസ്റ്റിക്ക് ഉപകരണങ്ങൾക്ക് പകരം മുളയുൽപ്പന്നങ്ങൾ ഉപയോഗിക്കുവാൻ തുടങ്ങണമെന്നതാണ് ഈ ദിനത്തിൽ ഏവരോടുമുള്ളൊരഭ്യർത്ഥനയെന്ന് ഐ ബി സതീഷ് എം എൽ എ
ഇന്ന് ലോകമുളദിനമെന്ന് ഐ ബി സതീഷ് എം എൽ എ. സ്കൂൾ പഠനകാലത്ത് സംഘടനാ പ്രവർത്തനത്തിന്റെ ഭാഗമായി ഇതുപോലൊരു സമ്മേളനകാലയളവിൽ കൊടിനാട്ടുവാനുള്ള മുളങ്കമ്പുകൾ തേടി ആറ്റിനരികത്തേക്ക് പോയത് ഇന്നും മനസിൽ മായാതെ നിൽക്കുന്നൊരോർമ്മയാണ് എന്നദ്ദേഹം പറയുന്നു. കുറിപ്പിന്റെ പൂർണ്ണ രൂപം ഇങ്ങനെ;
ഇന്ന് ലോകമുളദിനം.... സ്കൂൾ പഠനകാലത്ത് സംഘടനാ പ്രവർത്തനത്തിന്റെ ഭാഗമായി ഇതുപോലൊരു സമ്മേളനകാലയളവിൽ കൊടിനാട്ടുവാനുള്ള മുളങ്കമ്പുകൾ തേടി ആറ്റിനരികത്തേക്ക് പോയത് ഇന്നും മനസിൽ മായാതെ നിൽക്കുന്നൊരോർമ്മയാണ്.... പിന്നെ ഈ പാട്ടും... "കാട്ടിലെ പാഴ്മുളം ......"
ഇതുവരെ പറഞ്ഞത് അത്ര ഗൗരവമുള്ള കാര്യങ്ങളല്ല എന്നറിയാം....എങ്കിലും ഈ പുലരിയിൽ മനസിൽ വന്നത് കുറിച്ചിട്ടെന്നേയുള്ളു .... ഇനി ചില "മുളദിനചിന്ത"കളിലേക്ക് വരാം.....
പുല്ല് വംശത്തിൽപ്പെട്ട സസ്യജാലങ്ങളാണിവ. വേര് ആഴത്തിലുള്ളതായതിനാൽ മണ്ണൊലിപ്പ് തടയും. വളരുവാൻ വളരെ കുറച്ച് ജലം മതി ഒപ്പം മണ്ണിലെ ജലാംശവും വർദ്ധിപ്പിക്കും.
ഒരിക്കൽ വടക്കുകിഴക്കൻ ഗ്രാമങ്ങൾ സന്ദർശിച്ച വേളയിൽ പൂർണ്ണമായും മുളകൊണ്ടു നിർമിച്ച വീടുകളിൽ മനുഷ്യർ പാർക്കുന്നത് കണ്ടിട്ടുണ്ട്. സാംസ്കാരിക പൈതൃകം അവകാശപ്പെടാനാകുന്ന പാരമ്പര്യ വിഭവങ്ങളുടെ പ്രതീകമാണ് മുളകൾ.
ഇവ ഉപയോഗിച്ചുള്ള മനോഹരമായ ഉത്പന്നങ്ങൾ വിപണിയിൽ ഏറെ ഡിമാന്റുള്ള വസ്തുക്കളിലൊന്നാണ്. കാര്യമായ അധ്വാനമോ, വളമിടീലോ ഒന്നും കൂടാതെ തന്നെ വ്യാവസായിക അടിസ്ഥാനത്തിൽ മുളകൃഷി ലാഭകരമായി ചെയ്യാം. വീട്ടിലെ പ്ലാസ്റ്റിക്ക് ഉപകരണങ്ങൾക്ക് പകരം മുളയുൽപ്പന്നങ്ങൾ ഉപയോഗിക്കുവാൻ തുടങ്ങണമെന്നതാണ് ഈ ദിനത്തിൽ ഏവരോടുമുള്ളൊരഭ്യർത്ഥന.
അങ്ങകലെ എവിടെയോ മുളകൃഷി ചെയ്യുന്ന ഒരു കർഷകനും, അതിനെ പല രൂപത്തിൽ നമ്മുടെ മുന്നിലേക്കെത്തിക്കുന്ന "കലാകാരൻമാർക്കും " വളരെയേറെ ഉപകാരപ്രദമായിരിക്കുമത്.
കൂടാതെ പ്ലാസ്റ്റിക്ക് മാലിന്യങ്ങൾ ഒരിക്കലും നശിക്കാതെ ഭൂമിയുടെ ഉപരിതലത്തിൽ കെട്ടിക്കിടക്കുമെങ്കിൽ ഉപയോഗശൂന്യമായ മുളയുൽപ്പനങ്ങൾ മണ്ണിലലിഞ്ഞു ചേർന്നോളും .....
മുളയുൽപ്പന്നങ്ങളും മുളകർഷകർക്കും ആവശ്യമായ പ്രോത്സാഹനം നൽകുമെന്ന തീരുമാനത്തോടെ മുന്നോട്ടു പോകാം ...
ശുഭദിനം.....
ഐ.ബി സതീഷ്
https://www.facebook.com/Malayalivartha