കടല് രുചികള് ആവോളം ഒരുക്കി 'തീരമൈത്രി'; തീരമൈത്രി ഭക്ഷണ ശാലകളുടെ രണ്ടാം ഘട്ട സംസ്ഥാന തല ഉദ്ഘാടനം ഫിഷറീസ് വകുപ്പ് മന്ത്രി സജി ചെറിയാന് ഓണ്ലൈന് ആയി നിര്വ്വഹിക്കും
സംസ്ഥാനത്തിന്റെ വിസ്തൃതമായ തീരദേശ മേഖലയുടെ രുചി വൈവിധ്യങ്ങള് ലോകത്തിന് മുന്നില് വിളമ്പി തനതായ തീരദേശ ജനതയുടെ ജീവിത മികവിന് കാരണമാവുകയാണ് തീരമൈത്രി ഭക്ഷണ ശാലകള്. സൊസൈറ്റി ഫോര് അസിസ്റ്റന്സ് ടു ഫിഷര്വിമന്
അഥവാ സാഫ് നടപ്പിലാക്കുന്ന തീരമൈത്രി ഭക്ഷണ ശാലകളുടെ രണ്ടാം ഘട്ടത്തിന്റെ സംസ്ഥാന തല ഉദ്ഘാടനം ശനിയാഴ്ച ഫിഷറീസ് വകുപ്പ് മന്ത്രി സജി ചെറിയാന് ഓണ്ലൈന് ആയി നിര്വ്വഹിക്കും. ജില്ലയില് ഹൈക്കോടതിക്ക് സമീപമാണ് തീരമൈത്രി ഭക്ഷണശാല പ്രവര്ത്തനം ആരംഭിക്കുന്നത്
കേരളത്തില് വര്ഷം മുഴുവന് സുലഭമായി ലഭിക്കുന്ന മത്സ്യ വിഭവങ്ങളുടെ സാധ്യതകളെ കണക്കിലെടുത്തു കൊണ്ടും തീരദേശ മേഖലയിലെ വനിതകള്ക്ക് ഈ മേഖലയിലുള്ള താത്പര്യവും അഭി രുചികളും തൊഴില് സാധ്യതകളായി പ്രയോജനപ്പെടുത്തി കൊണ്ടുമാണ് സൊസൈറ്റി ഫോര് അസിസ്റ്റന്സ് ടു ഫിഷര്വിമന് തീരമൈത്രി ഭക്ഷണശാലകള് ആരംഭിച്ചിട്ടുള്ളത്.
ഈ പദ്ധതിക്ക് 3.4282 കോടി രൂപയുടെ ഭരണാനുമതി സര്ക്കാര് നല്കിയിട്ടുണ്ട്. 9 തീരദേശ ജില്ലകളില് ആയി 230 മത്സ്യ തൊഴിലാളി വനിതകളെ ഉള്ക്കൊള്ളിച്ചു കൊണ്ടാണ് തീരമൈത്രി ഭക്ഷണശാല ശൃംഖല രൂപീകരിക്കുന്നത്. അഞ്ച് പേരടങ്ങുന്നസംഘത്തിന് അഞ്ചു ലക്ഷം രൂപ വരെ സഹായം അനുവദിക്കും.
നൂറു ദിന കര്മ പദ്ധതിയില് ഉള്പ്പെടുത്തി സംസ്ഥാനത്താകെ 30 തീരമൈത്രി ഭക്ഷണശാലകളാണ് ആരംഭിക്കുന്നത്. ഇതില് 13 എണ്ണം പ്രവര്ത്തനം ആരംഭിച്ചു കഴിഞ്ഞു. രണ്ടം ഘട്ടത്തില് 17 എണ്ണം പ്രവര്ത്തനം ആരംഭിക്കും.
https://www.facebook.com/Malayalivartha