സംസ്ഥാനത്ത് സ്കൂളുകൾ നവംബര് ഒന്നു മുതല് തുറക്കും; ആദ്യ ഘട്ടത്തില് പ്രൈമറി ക്ലാസ്സുകളും 10, 12 ക്ലാസ്സുകളും, നവംബര് 15 മുതല് എല്ലാ ക്ലാസ്സുകളും ആരംഭിക്കുന്നതിന് തയ്യാറെടുപ്പുകള് നടത്താനും പതിനഞ്ച് ദിവസം മുന്നേ മുന്നൊരുക്കങ്ങള് പൂര്ത്തീകരിക്കാനും തീരുമാനം: പഠനം കര്ശന കൊവിഡ് മാനദണ്ഡങ്ങള് പാലിച്ച്
നവംബര് ഒന്നു മുതല് സ്കൂളുകള് തുറക്കാന് കോവിഡ് അവലോകന യോഗത്തില് തീരുമാനമായി. ഒന്നു മുതല് ഏഴ് വരെയുള്ള പ്രൈമറി ക്ലാസ്സുകളും 10, 12 ക്ലാസ്സുകളും നവംബര് ഒന്നു മുതലും ആരംഭിക്കും. നവംബര് 15 മുതല് എല്ലാ ക്ലാസ്സുകളും ആരംഭിക്കുന്നതിന് തയ്യാറെടുപ്പുകള് നടത്താനും പതിനഞ്ച് ദിവസം മുന്നേ മുന്നൊരുക്കങ്ങൾ ആരംഭിക്കും.
ആരോഗ്യ വിദഗ്ധരുടെ അഭിപ്രായത്തെ തുടര്ന്നാണ് ആദ്യം പ്രൈമറി ക്ലാസ്സുകൾ ആരംഭിക്കുന്നത്. സ്കൂളുകള് തുറക്കുന്നതുമായി ബന്ധപ്പെട്ട് വിദ്യാഭ്യാസ വകുപ്പും ആരോഗ്യവകുപ്പും സംയുക്തമായി യോഗം ചേര്ന്ന് ആവശ്യമായ തയ്യാറെടുപ്പുകൾ നടത്തുന്നത്. രോഗപ്രതിരോധ ശേഷി കുറവുള്ള കുട്ടികള് സ്കൂളുകളില് ഹാജരാകേണ്ടതില്ലെന്ന നിലയെടുക്കുന്നതാവും ഉചിതമെന്നും സര്ക്കാര് വ്യക്തമാക്കി.
വാഹനങ്ങളില് കുട്ടികളെ എത്തിക്കുമ്പോള് പാലിക്കേണ്ട ക്രമീകരണങ്ങള് ചര്ച്ച ചെയ്യും. സ്കൂള് ഹെല്ത്ത് പ്രോഗ്രാം പുനഃസ്ഥാപിക്കുന്നതിനുള്ള നടപടികള്ക്കു പുറമെ വിദ്യാലയങ്ങള് തുറക്കുമ്ബോള് രോഗം പടരാതിരിക്കാനുള്ള മുന്കരുതലും സ്വീകരിക്കും. കുട്ടികള്ക്കുവേണ്ടി പ്രത്യേക മാസ്കുകള് തയ്യാറാക്കുകയും ഇത് സ്കൂളുകളില് കരുതുകയും വേണമെന്നും സര്ക്കാര് നിര്ദേശിച്ചു. ഒക്ടോബര് 18 മുതല് കോളേജ് തലത്തില് വാക്സിനേഷന് സ്വീകരിച്ച വിദ്യാര്ത്ഥികളുടെ എല്ലാ ക്ലാസ്സുകളും ആരംഭിക്കുകയാണ്.
https://www.facebook.com/Malayalivartha