പ്ലസ് വണ് പരീക്ഷയ്ക്ക് വിപുലമായ ഒരുക്കങ്ങളുമായി വിദ്യാഭ്യാസ വകുപ്പ്... . കോവിഡ് വ്യാപന പശ്ചാത്തലത്തില് സ്കൂള് പരിസരത്തും പരീക്ഷാ ഹാളിലും പ്രത്യേക സുരക്ഷാ സംവിധാനങ്ങള്, വിദ്യാര്ഥികള്ക്ക് സ്കൂളിലേക്ക് ഒരു പ്രവേശന കവാടത്തിലൂടെ മാത്രം പ്രവേശനം, പരീക്ഷയ്ക്കായി വിദ്യാര്ഥികള്ക്ക് യൂണിഫോം നിര്ബന്ധമല്ല
പ്ലസ് വണ് പരീക്ഷയ്ക്ക് വിപുലമായ ഒരുക്കങ്ങളുമായി വിദ്യാഭ്യാസ വകുപ്പ് . കോവിഡ് വ്യാപന പശ്ചാത്തലത്തില് സ്കൂള് പരിസരത്തും പരീക്ഷാ ഹാളിലും പ്രത്യേക സുരക്ഷാ സംവിധാനങ്ങളാണ് വിദ്യാഭ്യാസ വകുപ്പ് ഒരുക്കുക.
24 ന് ആരംഭിക്കുന്ന പ്ലസ് വണ് പരീക്ഷയ്ക്ക് എത്തുന്ന വിദ്യാര്ഥികള്ക്ക് സ്കൂളിലേക്ക് ഒരു പ്രവേശന കവാടത്തിലൂടെ മാത്രമേ പ്രവേശനം അനുവദിക്കുകയുള്ളു.
പ്രവേശന കവാടത്തില് തന്നെ സാനിറ്റൈസര് നല്കാനും തെര്മല് സ്കാനര് ഉപയോഗിച്ച് ശരീരോഷ്മാവ് പരിശോധിക്കാനും ക്രമീകരണം ഉണ്ടാവും. പരീക്ഷാ അനുബന്ധ പ്രവര്ത്തനങ്ങള്ക്ക് അനധ്യാപക ജീവനക്കാര്, പിടിഎ അംഗങ്ങള്, ആരോഗ്യ പ്രവര്ത്തകര് എസ്എസ്കെ ജീവനക്കാര് തുടങ്ങിയവരുടെ സേവനം പ്രയോജനപ്പെടുത്തും. പരീക്ഷയ്ക്കായി വിദ്യാര്ഥികള്ക്ക് യൂണിഫോം നിര്ബന്ധമല്ല.
പരീക്ഷാ ദിവസങ്ങളില് സ്കൂള് കോമ്പൗണ്ടില് കുട്ടികള് സാമൂഹിക അകലം പാലിക്കുന്നുണ്ടെന്നും മാസ്ക് ധരിക്കുന്നുണ്ടെന്നും ഉറപ്പുവരുത്തും.
കുട്ടികള്ക്ക് പരസഹായം കൂടാതെ പരീക്ഷാഹാളില് എത്തിച്ചേരാനായി പ്രവേശന കവാടത്തില് തന്നെ എക്സാം ഹാള് ലേ ഔട്ട് പ്രദര്ശിപ്പിക്കും. പരീക്ഷയ്ക്ക് മുന്പും ശേഷവും വിദ്യാര്ഥികള് കൂട്ടം കൂടില്ലെന്നു ഉറപ്പാക്കും. ശീതീകരിച്ച ക്ലാസ് മുറികള് പരീക്ഷയ്ക്ക് ഉപയോഗിക്കുന്നതല്ല. വായുസഞ്ചാരം ഉള്ളതും വെളിച്ചം ഉള്ളതുമായ ക്ലാസ് മുറികളാണ് പരീക്ഷയ്ക്ക് ഉപയോഗിക്കുക.
ശരീരോഷ്മാവ് കൂടുതലുള്ള വിദ്യാര്ഥികളും ക്വാറന്റൈനില് ഉള്ള വിദ്യാര്ഥികളും പ്രത്യേകം ക്ലാസ് മുറികളില് പരീക്ഷ എഴുതണം.
ക്ലാസ്മുറികളില് പേന, കാല്ക്കുലേറ്റര് ഉള്പ്പെടെയുള്ളവ കൈമാറ്റം അനുവദിക്കുന്നതല്ല. കോവിഡ് സുരക്ഷാ മാനദണ്ഡങ്ങള് പാലിക്കുന്നതിലേക്കായി എല്ലാ വിദ്യാലയങ്ങളിലും മേഖലാ ഉപമേധാവിമാരുടെ നേതൃത്വത്തില് മൈക്രോ പ്ലാന് തയാറാക്കണം.
കോവിഡ് പോസിറ്റീവ് ആയ വിദ്യാര്ഥികള് പരീക്ഷയ്ക്ക് ഹാജരാകുന്നുവെങ്കില് വിവരം മുന്കൂട്ടി ആരോഗ്യപ്രവര്ത്തകരെ അറിയിക്കുകയും വിദ്യാര്ഥികള്ക്കും ബന്ധപ്പെട്ട ഇന്വിജിലേറ്റര്മാര്ക്കും പിപിഇ കിറ്റ് ലഭ്യമാക്കാനുള്ള നടപടി ചീഫ് സൂപ്രണ്ടുമാര് സ്വീകരിക്കണം. ഈ കുട്ടികള് പ്രത്യേക ക്ലാസ് മുറിയില് ആയിരിക്കും പരീക്ഷ എഴുതേണ്ടത്.
"
https://www.facebook.com/Malayalivartha
