കെപിസിസി പ്രസിഡന്റ് കെ സുധാകരനെതിരായ അനധികൃത സ്വത്ത് സമ്പാദന പരാതിയില് വിശദമായ അന്വേഷണത്തിന് ശുപാര്ശ ചെയ്ത് വിജിലന്സ്...
കെപിസിസി പ്രസിഡന്റ് കെ സുധാകരനെതിരായ അനധികൃത സ്വത്ത് സമ്പാദന പരാതിയില് വിശദമായ അന്വേഷണത്തിന് ശുപാര്ശ ചെയ്ത് വിജിലന്സ്.
വിജിലന്സ് ഡയറക്ടര് സര്ക്കാരിന് സമര്പ്പിച്ച പ്രാഥമിക അന്വേഷണ റിപ്പോര്ട്ടിലാണ് സുധാകരനെതിരേ വിശദമായ അന്വേഷണം വേണമെന്ന് ആവശ്യപ്പെട്ടത്.
സുധാകരന്റെ മുന് ഡ്രൈവര് പ്രശാന്ത് ബാബു നല്കിയ പരാതിയുടെ അടിസ്ഥാനത്തിലാണ് വിജിലന്സ് നടപടി. പ്രാഥമിക അന്വേഷണത്തില് സുധാകരനെതിരേ നിര്ണായകമായ ചില തെളിവുകള് വിജിലന്സിന് ലഭിച്ചിട്ടുണ്ടെന്നാണ് സൂചന.
കൂടുതല് തെളിവുകള് കണ്ടെത്താന് വിശദമായ അന്വേഷണം വേണമെന്നാണ് വിജിലന്സിന്റെ നിലപാട്. സുധാകരനെതിരേ കേസെടുത്ത് അന്വേഷണം നടത്താനായി വിജിലന്സ് നിയമോപദേശവും തേടിയിട്ടുണ്ടെന്നാണ് വിവരം. കഴിഞ്ഞ ജൂലായിലാണ് പ്രശാന്ത് ബാബുവിന്റെ പരാതിയുടെ അടിസ്ഥാനത്തില് സുധാകരനെതിരേ വിജിലന്സ് ഡയറക്ടര് പ്രാഥമിക അന്വേഷണത്തിന് നിര്ദേശം നല്കിയത്.
എന്നാല് സുധാകരനെതിരായ ആരോപണങ്ങള് അടിസ്ഥാനരഹിതമാണെന്ന് പ്രതിപക്ഷ നേതാവ് വിഡി സതീശന് .
"
https://www.facebook.com/Malayalivartha
