കൊല്ലം അഞ്ചലില്‍ രാത്രി വീട്ടില്‍ ഉറങ്ങാന്‍ കിടന്ന വിദ്യാര്‍ത്ഥിയെ രാവിലെ മരിച്ചനിലയില്‍ കണ്ടെത്തി. ഇടമുളക്കല്‍ സ്വദേശി അഭിഷേക് (16) ആണ് മരിച്ചത്. പത്താം ക്ലാസ് വിദ്യാര്‍ത്ഥിയാണ്.

അഞ്ചല്‍ ബെസ്റ്റ് ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥി അഭിഷേകിനെയാണ് മരിച്ച നിലയില്‍ കണ്ടെത്തിയത്. ഇന്നലെ രാത്രി 12 മണിവരെ കുട്ടി പഠിക്കുകയായിരുന്നു. തുടര്‍ന്ന് മുറിയില്‍ ഉറങ്ങാന്‍ കിടന്നു.

എന്നും എഴുന്നേല്‍ക്കേണ്ട സമയം കഴിഞ്ഞിട്ടും കാണാത്തതിനെ തുടര്‍ന്ന് വീട്ടുകാര്‍ അന്വേഷിച്ചപ്പോഴാണ് മൃതദേഹം കണ്ടെത്തിയത്. പോലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റി.

ഉറക്കത്തിലുണ്ടായ ഹൃദയസ്തംഭനമാണെന്നാണ് പ്രാഥമിക നിഗമനം. കൂടുതല്‍ വിവരങ്ങള്‍ അറിവായി വരുന്നതേയുള്ളൂ.