കനയ്യ കോണ്‍ഗ്രസില്‍ പോയതു നിര്‍ഭാഗ്യകരം... കനയ്യ കുമാര്‍ പാര്‍ട്ടി വിട്ടത് അടഞ്ഞ അധ്യായമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍.

കനയ്യ കോണ്‍ഗ്രസില്‍ ചേരാനിടയായ സാഹചര്യം പാര്‍ട്ടി ചര്‍ച്ച ചെയ്യുമെന്നും മാധ്യമങ്ങളോട് കാനം പറഞ്ഞു. മോന്‍സന്റെ തട്ടിപ്പില്‍ അന്വേഷണം അതിന്റെ വഴിയ്ക്ക് പോകുമെന്നും അദ്ദേഹം വ്യക്തമാക്കി. കനയ്യ പാര്‍ട്ടിയെ വഞ്ചിച്ചെന്ന അഭിപ്രായം തനിക്കില്ലെന്നു നേരത്തേ കാനം മാധ്യമങ്ങളോട് പറഞ്ഞിരുന്നു.

കനയ്യ കുമാര്‍ പാര്‍ട്ടിയെ വഞ്ചിച്ചെന്ന സിപിഐ ദേശീയ ജനറല്‍ സെക്രട്ടറി ഡി.രാജയുടെ അഭിപ്രായത്തോടു വിയോജിച്ചായിരുന്നു കാനത്തിന്റെ പ്രതികരണം.