തിരുവനന്തപുരം വിമാനത്താവളം അദാനി ഗ്രൂപ് ഏറ്റെടുക്കുന്നതില്‍ ഏറെ പ്രതീക്ഷയെന്ന് ശശി തരൂര്‍ എംപി. വിമാനത്താവളം പ്രൊഫഷനല്‍ ആകേണ്ടത് എല്ലാവരുടെയും ആവശ്യമാണെന്ന് പറഞ്ഞ അദ്ദേഹം പാര്‍ടിയുടെ അഭിപ്രായത്തില്‍നിന്ന് വ്യത്യസ്തമാണ് തന്റെ അഭിപ്രായം എന്നും ചര്‍ചകള്‍ നടത്താതെയാണ് പാര്‍ടി അഭിപ്രായ രൂപീകരണം നടത്തിയതെന്നും വ്യക്തമാക്കി.

'വിമാനത്താവളം കൈമാറ്റം ചെയ്യുന്നതിന് എല്ലാവരും സഹകരിക്കണം. നമ്മുടെ തലസ്ഥാനത്ത് നല്ല ഒരു ആധുനിക വിമാനത്താവളം പ്രവര്‍ത്തിക്കുന്നത് കണ്ടാല്‍, ഇനിയും കൂടുതല്‍ വിമാനങ്ങള്‍ വരാന്‍ ആരംഭിച്ചാല്‍, ഇവിടുത്തെ കണക്ടിവിറ്റി കണ്ട് പുതിയ കമ്ബനികള്‍ വരാന്‍ തുടങ്ങിയാല്‍ എല്ലാവര്‍ക്കും അത് ഗുണം ചെയ്യും' എന്നും തരൂര്‍ അറിയിച്ചു.