സ്കൂട്ടര്‍ കത്തിച്ച കേസില്‍ ഒളിവിലായിരുന്ന പ്രതി അറസ്റ്റിൽ. കരുവാറ്റ ചാമ പറമ്പില്‍ വടക്കതില്‍ അരുണ്‍ മോഹനെനെയാണ് (22 ) ഹരിപ്പാട് പൊലീസ്‌ അറസ്റ്റ് ചെയ്തത്. കഴിഞ്ഞ 11ന് രാത്രിയിലായിരുന്നു സംഭവം. അരുണിന്‍റെബന്ധുവായ പാലപ്പമ്പില്‍ കോളനിയില്‍ രതീഷിന്‍റെ സ്കൂട്ടറാണ് കത്തിച്ചത്.

സംഭവത്തെക്കുറിച്ച്‌ പൊലീസിന്റെ വാക്കുകൾ ഇങ്ങനെ: മയക്കുമരുന്ന് ഉപയോഗിക്കുന്ന അരുണിനെ രതീഷ് വീട്ടിലെത്തി ഉപദേശിച്ചതാണ് കാരണം. കുരുമുളക് സ്പ്രേ കണ്ണില്‍ അടിച്ച്‌​ സ്കൂട്ടര്‍ എടുത്തു കൊണ്ടുപോയതിന് ശേഷം കരുവാറ്റ ചര്‍ച്ചിന്റെ സമീപം ഇട്ട് കത്തിക്കുകയായിരുന്നു.

സംഭവത്തിനു ശേഷം ഒളിവില്‍ പോയ അരുണിനെ ഇന്നലെ കരുവാറ്റ ഭാഗത്തുനിന്നുമാണ് പൊലീസ്​ അറസ്റ്റ് ചെയ്തിരിക്കുന്നത്.